Mədəniyyət

Dövlət Milli Gənc Tamaşaçılar Teatrında yeni tamaşanın oxunuş məşqlərinə başlanılıb - FOTO

4 Oktyabr 2025 15:05

Baxış: 556

VTB-də minimal faiz dərəcəsi ilə nağd kredit 9.9%-dən

#GƏNC TAMAŞAÇILAR TEATRI

Azərbaycan Dövlət Milli Gənc Tamaşaçılar Teatrında yeni tamaşanın oxunuş məşqlərinə başlanılıb.

Teatrın mətbuat xidmətindən verilən məlumata görə, Mirzə Fətəli Axundzadənin "Sərgüzəşti-mərdi-xəsis" pyesi əsasında Dilsuz Mustafayevin səhnə redaktəsi ilə hazırlanan "Hacı Qara" tamaşasının oxunuş məşqlərinə start verilib.

İki hissəli səhnə əsərinin quruluşçu rejissoru Xalq artisti Cənnət Səlimova, rejissoru Şövqi Hüseynov, quruluşçu rəssamı Elşən Sərxanoğlu, bəstəkarı Firudin Allahverdi, rejissor assistenti Sona Məhərrəmovadır. Tamaşanın plastik həlli Ceyhun Dadaşova aiddir.

Tamaşada Hacı Qaradan sonra ikinci əsas surət Heydər bəydir. İflasa uğramış Heydər bəy toy xərci əldə etmək üçün Hacı Qara ilə birlikdə Təbrizə qaçaq mal alverinə getməsi və bu səfər zamanı 19-cu əsrin ortalarında baş vermiş əhvalatlardan bəhs olunur. Heydər bəy lovğa, qurubəy olsa da, o, mərd və cəsarətlidir.

Səhnə əsərində Xalq artisti Yasin Qarayev, Əməkdar artistlər Şövqi Hüseynov, Gülər Nəbiyeva, Elnur Hüseynov, aktyorlar Anar Seyfullayev, Ədalət Əbdülsəməd, Ramil Məmmədov, Kərəm Hadızadə, Rəşad Səfərov, Elşəm Hacıbabayev, Natiq Fərzəliyev, Şəbnəm Hüseynova, Hüsniyyə Əhmədov, Nurlan Süleymanlı, Hilal Dəmirov, Xaliq Bəkirov, Gülbəniz Lətifova, Venera Abbasova, Yusif Dadaşov, Tahir İsmayılov, Aydın Dəmirov iştirak edirlər.

İnformasiya dəstəyi - Trend.Az, Day.Az, Milli.Az