Mədəniyyət

Eldar Cəfərov Bakıda keçiriləcək dünya rəqs yarışı haqqında: Bütün istiqamətlər təqdim olunacaq - VİDEO - FOTO

12 Avqust 2025 17:55

Baxış: 386

VTB-də yüksək depozit faizleri daha çox qazandırır

#MƏDƏNİYYƏT

5-7 sentyabr tarixlərində Bakıda ilin ən gözlənilən rəqs hadisələrindən biri - Azərbaycan Rəqs İttifaqı (AzDC) və Beynəlxalq Rəqs Şirkəti SRDS-in (Smooth & Rhythm Dance Style, prezident - Olqa Krasnyanskaya) təşkilatçılığı ilə keçiriləcək WADF (World Artistic Dance Federation) üzrə artistik bal rəqsi (Smooth) üzrə Dünya Çempionatı və WADF üzrə bütün üslublar üzrə Dünya Kuboku baş tutacaq. Yarışlar "Baku Marriott Hotel Boulevard"da keçiriləcək.

"Bütün istiqamətlər təqdim olunacaq - bal və latın rəqslərindən tutmuş teatr və artistik rəqsə, xalq rəqslərinə, street dance, hip-hop və daha bir çox janra qədər. WADF kimi böyük beynəlxalq təşkilatın AzDC-ni tanımasından olduqca məmnunuq və bu, bizim üçün tarixi hadisədir. Beləliklə, bütün dostlarımıza - xoş gəlmisiniz! Əgər dünya səviyyəli rəqsdən zövq almaq istəyirsinizsə, Bakıya gəlin", - deyə AzDC Katibliyinin rəhbəri, dəfələrlə dünya və beynəlxalq yarışların qalibi Eldar Cəfərov bildirib.

Bu tədbir sadəcə turnir deyil - Azərbaycanın dünya rəqs mədəniyyətinin əsas mərkəzlərindən biri kimi qlobal səviyyədə tanınması yolunda strateji bir addımdır. O, beynəlxalq tanınma və peşəkar inkişaf məqsədi güdən rəqqaslar, məşqçilər və rəqs məktəbləri üçün yeni imkanlar açır.

World Artistic Dance Federation (WADF) - artistik rəqsin inkişafına, ifadə azadlığına və yarış proqramlarında innovativ yanaşmaya yönəlmiş aparıcı beynəlxalq rəqs təşkilatlarından biridir. Federasiya dünyanın hər yerindən rəqqasları bir araya gətirərək yaradıcılıq, yarış və mədəni mübadilə üçün unikal platforma yaradır.

İnformasiya dəstəyi - Trend.Az, Day.Az, Milli.Az, Azernews.Az