PUL
.jpg)
14:03
Xalq artisti Arif Babayevlə Beynəlxalq Muğam Mərkəzində keçirilən vida mərasimi başa çatıb.
Milli.Az xəbər verir ki, mərasimdə mədəniyyət naziri Adil Kərimli və müavinləri, ölkənin mədəni-ictimai xadimləri, mərhumun ailə üzvləri və sənət dostları iştirak ediblər.
13:10
Beynəlxalq Muğam Mərkəzində görkəmli muğam ifaçısı, "Şöhrət", "İstiqlal" və "Şərəf" dövlət ordenlərinin laureatır, xalq artisti Arif Babayevlə vida mərasimi keçirilir.
Trend xəbər verir ki, muğam və xalq mahnıları ustası uzun sürən xəstəlikdən sonra 88 yaşında dünyasını dəyişib.
Görkəmli xanəndə I Fəxri Xiyabanda dəfn olunacaq.
Vida mərasimində dövlət və ictimai xadimlər, mədəniyyət və elmin tanınmış nümayəndələri, yaradıcı ziyalılar və gənclər iştirak edirlər.
Qeyd edək ki, Xalq artisti Arif Babayev 1938-ci il fevralın 20-də Ağdam rayonunun Sarıhacılı kəndində anadan olub.
1960-cı illərin əvvəllərindən o, Bakıda peşəkar yaradıcılıq fəaliyyətinə başlayıb - əvvəlcə Azərbaycan Dövlət Filarmoniyasında, daha sonra isə Azərbaycan Dövlət Akademik Opera və Balet Teatrında muğam ifaçısı-solisti kimi fəaliyyət göstərib.
Muğam-operalarda onun yaratdığı Məcnun ("Leyli və Məcnun"), Kərəm ("Əsli və Kərəm"), Aşıq Qərib və Camal kimi parlaq obrazlar tamaşaçıların yaddaşında qalıb. Xanəndə ustalıqla "Şur", "Segah" muğam-dastgahlarını, "Arazbarı", "Qarabağ şikəstəsi" zərbi-muğamlarını ifa edib.
O, uzun illər uğurlu şəkildə Azərbaycan musiqi mədəniyyətini ölkə xaricində təmsil edib, ölkənin əhəmiyyətli incəsənət tədbirlərində iştirak edib və bir sıra istedadlı ifaçıların yetişməsinə töhfə verib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)