Mədəniyyət

“Kontrabas” festivaldan mükafatlarla qayıtdı - FOTOlar

22 May 2025 09:00

Baxış: 315

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

Azərbaycan Dövlət Milli Gənc Tamaşaçılar Teatrı Patrik Züskindin "Kontrabas" monotamaşası ilə Qazaxstanın Kostanay şəhərində keçirilən "MONOFEST" teatr festivalında iştirak edib.

Mayın 16-da nümayiş olunan "Kontrabas" tamaşası "Bədii konsepsiya və parlaq ifa harmoniyasına görə" və "Tamaşaçı rəğbətinə görə" mükafatlarına layiq görülüb.

Qeyd edək ki, birhissəli səhnə əsərinin quruluşçu rejissoru mərhum Xalq artisti İrina Perlova, ifaçı Əməkdar artist Şövqi Hüseynovdur.

Uzun illərdir teatrın repertuarında olan və bir çox festivallarda uğurla nümayiş etdirilən səhnə işi ensiklopedik biliklərə malik qəhrəmanı, onun həyata baxışını ehtiva edir. Opera "ulduzuna" vurulan bu şəxs həmin xanıma etiraf etmək istəyir ki, sakit otaqlarda belə onun səsini eşidir, məşhur ariyaları ifa edən gözəl səsi ilə dialoqa girir.

Sarkazm və yumoristik məqamlarla zəngin olan tamaşada qəhrəmanımızın yeganə ünsiyyət vasitəsi isə kontrabasdır. Bu xoş ünsiyyətin ən maraqlı mesajı bundan ibarətdir ki, insan öncə özü özünə sədaqətli olmalıdır. Yalnız bundan sonra onun ətrafdakılara sədaqətini dəyərləndirmək olar.

Milli.Az