Mədəniyyət

Filarmoniyada Leonid Vaynşteynin 80 illiyinə həsr olunmuş konsert baş tutacaq

3 Aprel 2025 17:52

Baxış: 289

VTB-də minimal faiz dərəcəsi ilə nağd kredit 10.49%-dən

#MƏDƏNİYYƏT

20 aprel saat 19:00-da M.Maqomayev adına Azərbaycan Dövlət Akademik Filarmoniyasının səhnəsində Azərbaycan bəstəkarlıq məktəbinin layiqli davamçılarından biri, Qara Qarayevin sinfini bitirən bəstəkar Leonid Vaynşteynin 80 illiyinə həsr olunmuş konsert baş tutacaq.

Konsertdə Ü.Hacıbəyli adına Azərbaycan Dövlət Simfonik Orkestri (bədii rəhbər və baş dirijor Fuad İbrahimov), Azərbaycan Dövlət Xor Kapellası (bədii rəhbər, Azərbaycan Respublikasının Xalq artisti Gülbacı İmanova) və Azərbaycan Dövlət Uşaq Filarmoniyasının xoru (bədii rəhbər Dilarə Əliyeva) L.Vaynşteynin əsərlərindən ibarət maraqlı proqram ilə qarşınızda olacaq.

Bəstəkar sevinc və səadətini, kədər və faciəsini musiqisi ilə əbədiləşdirmişdir. Əziz dinləyicilər, təravətli harmoniya, səmimi melodiyaya malik Vaynşteyn musiqisi ilə siz də nostalji hislər keçirmək istəyirsinizsə, bu özəl günü qaçırmayın....

İnformasiya dəstəyi - Trend.Az, Day.Az, Milli.Az