Mədəniyyət

Bəstəkar Fərəc Qarayevin yaradıcılığına həsr olunmuş “Homage a FQ” adlı konsert keçirəcək

22 Aprel 2024 17:15

Baxış: 664

VTB-də minimal faiz dərəcəsi ilə nağd kredit 9.9%-dən

Bakı Müasir Musiqi Cəmiyyəti 23 aprel saat 19:00-da Beynəlxalq Muğam Mərkəzində bəstəkar Fərəc Qarayevin yaradıcılığına həsr olunmuş "Homage a FQ" adlı konsert keçirəcək.

Fərəc Qarayev (1943*) həm bəstəkarlıq, həm də pedaqoji fəaliyyəti ilə musiqi tariximizdə yeni yol açmış şəxsiyyətdir. O, 1966-cı ildə Azərbaycan Dövlət Konservatoriyasını (hazırda Ü.Hacıbəyli adına Bakı Musiqi Akademiyası) atası, professor Qara Qarayevin sinfi üzrə bitirdikdən sonra elə orada dərs deməyə başlamış, 1999-cu ildən isə P.İ.Çaykovski adına Moskva Dövlət Konservatoriyasının professoru olmuşdur. O, öz fəaliyyətində sadəcə bəstəkarlıqla kifayətlənməmiş həm Moskvada, həm də Bakıda müxtəlif müasir musiqi layihələrinin təşəbbüskarı, rəhbəri olmuşdur. Fərəc Qarayev yardıcılığında XX əsrin bir çox bəstəkarlıq anlayışları, həmçinin neoklassisizm, serializm, puantilizm, sonorostika və s. kimi çağdaş təmayüllər xarakterikdir.

F.Qarayevin yubileyi münasibətilə keçirilən konsertdə bəstəkarın "Üç baqatel", "Nağıllar nağılı və yaxud dünənki sabah", "Cənab səfir Yafaya vasil oldu", "Xütbə, Muğam və Surə" əsərləri ifa olunacaq. Konsertin ön sözündə musiqişünas Sara Timurova çıxış edəcək və proqram BCMS Ensemble, Fəridə Məmmədova (soprano), Rəna Fəhradova (piano), Sahib Paşazadənin (tar) ifasında, Orxan Həşimovun dirijorluğu ilə təqdim olunacaq.

İnformasiya dəstəyi - Trend.Az, Day.Az, Milli.Az, Azernews.Az