Mədəniyyət

“DokuBaku” VII Beynəlxalq Sənədli Filmlər Festivalı başlayıb

27 Sentyabr 2023 12:39

Baxış: 1 257

VTB-də minimal faiz dərəcəsi ilə nağd kredit 9.9%-dən

Mədəniyyət Nazirliyinin dəstəyi ilə "DokuBaku" VII Beynəlxalq Sənədli Filmlər Festivalı keçirilir.

Milli.Az xəbər verir ki, oktyabrın 1-dək davam edəcək festivalın mövzusu "KosmoDarvinizm: Dolça dövrü"dür.

Festivalın proqramı 43 nümayişdən ibarətdir. Bu müddət ərzində beş kateqoriya üzrə 60-dan çox film nümayiş etdiriləcək. "Ən yaxşı tammetrajlı film", "Ən yaxşı qısametrajlı film" və digər nominasiyalar üzrə qalibləri 20 ekspertdən ibarət beynəlxalq münsiflər heyətinin üzvləri müəyyən edəcək.

Hər kateqoriya üzrə birinci yeri tutan kinorejissorlara mükafatlar veriləcək. Bu il mövcud "iHuman", "iCyborg", "NewEye" mükafatları ilə yanaşı, yeni "CosmoHuman" mükafatı da təqdim olunacaq.

Festival tərəfdaşlarının sayı ildən-ilə artır. Bu il Bakıda keçirilən festivalda Saloniki Beynəlxalq Film Festivalının nümayəndəsi Yanis Palavos, eləcə də Lissabon Sənədli Filmlər Festivalının proqram tərtibatçısı Castin Cekl iştirak edir.

Qeyd edək ki, festival nazirliyin maliyyə dəstəyi ilə 2017-ci ildən bəri hər il keçirilir.

İnformasiya dəstəyi - Trend.Az, Day.Az, Milli.Az, Azernews.Az