Azərbaycanda fəhləni yük maşını əzdi

Milli.Az Cənub TV-yə istinadən xəbər verir ki, bədbəxt hadisə iyulun 29-u səhər saatlarında Hacıqabul-Bəhrəmtəpə avtomobil yolunun 50-ci km-də baş verib.

Saatlı rayon Bəylik kəndi ərazisində aparılan yol təmiri zamanı gənc bayraqçı yük maşınının altında qalaraq həyatını itirib. "Kolin" inşaat şirkətinin sürücüsü, Şirvan şəhər sakini Bilal Cəfərov idarə etdiyi "Hovo" markalı avtomaşını ilə yükü boşaltmaq üçün arxaya hərəkətdə olarkən, şirkətin bayraqçı əməkdaşı Saatlı rayon Musabəyli kənd sakini Əhmədağa Şərəfxanovun üzərindən keçib. Maşının təkərləri altında qalan Əhmədağa hadisə yerindəcə dünyasını dəyişib.

Baş vermiş faktla bağlı BDYPİ tərəfindən araşdırma aparılır..

Milli.Az