Kriminal

Bakı sakini küçədə bıçaqlayıb öldürdülər

17 Sentyabr 2020 10:22

Baxış: 1 160

#KRİMİNAL #QƏTL

Bakıda küçədə qətl hadisəsi olub.

Suraxanı Rayon Prokurorluğundan Milli.Az-a verilən məlumatda bildirilir ki, hadisə sentyabrın 16-da Suraxanı rayonu ərazisində baş verib. Həmin ərazidə Orxan İsayevin üzərində bıçaq xəsarətləri olan meyitinin aşkar olunması barədə rayon prokurorluğuna məlumat daxil olub.

Dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilmiş, digər prosessual hərəkətlər yerinə yetirilmişdir.
Faktla bağlı Suraxanı Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilmişdir.
İstintaqla hadisənin zərərçəkmişin tanışı İmran Cərullayev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

İmran Cərullayev şübhəli şəxs qismində tutularaq istintaqa cəlb edilib. Hazırda iş üzrə zəruri istintaq tədbirləri həyata keçirilir.

Milli.Az