Kriminal

Koronavirusla bağlı yalan məlumat yayan qadın həbs edildi - FOTO - VİDEO

26 Mart 2020 15:14
7 Şərh     Baxış: 11 688

Yalan məlumat yayan qadın məsuliyyətə cəlb olunub.

DİN-in Mətbuat Xidmətinin Gəncə regional qrupundan Milli.Az-a verilən məlumata görə, "What's app" sosial şəbəkə istifadəçisi olan bir qadın həmin şəbəkə vasitəsi ilə "Koronavirus" pandemiyası ilə əlaqədar guya Şəmkir rayonu ərazisində vəziyyətin ağır olduğunu, Gürcüstan Respublikasının Marneuli rayonundan Azərbaycan Respublikasına gəlmiş bir ailənin yeddi üzvünün virusa yoluxması və həmin şəxslərin digər vətəndaşlara da virus yoluxdurması barədə heç bir dövlət qurumlarının rəsmi məlumatlarına istinad etmədən, reallığı əks etdirməyən və cəmiyyətdə çaşqınlıq yarada biləcək uydurma məlumatlar yayıb.

Sözü gedən səs yazısı ilə əlaqədar Şəmkir Rayon Polis Şöbəsində araşdırmalar başlanılıb. Həyata keçirilən müvafiq tədbirlərlə həmin qadının Gəncə şəhər sakini, 1979-cu il təvəllüdlü Elmira Məmməd qızı Məmmədova olması müəyyən edilib və o, aidiyyəti üzrə Rayon Polis Şöbəsinə dəvət olunub. Aparılmış araşdırmalarla E.Məmmədovanın hərəkətlərində İnzibati Xətalar Məcəlləsinin 388.1-ci (İnternet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi) maddəsində nəzərdə tutulmuş xətanın əlamətləri müəyyən edildiyindən, əməlinə hüquqi qiymət verilməsi üçün barəsində toplanmış materiallar rayon məhkəməsinə göndərilib və məhkəmə tərəfindən həmin qadın barəsində inzibati həbs qətiimkan tədbiri seçilib.

Milli.Az

Məqaləyə dair fotomateriallar:

loading...

Şərh yaz:

7 Şərh:

  • Anonim
    7 64 · 26 Mart 15:3584

    Senin o telfonuvu bawinda bolerdiler gerey .

    Cavab yaz
  • Anonim
    Sevva · 26 Mart 15:4291

    Ayib olsun.

    Cavab yaz
  • Anonim
    Ş R. · 26 Mart 16:09115

    Yalan ya doqru sizə lazımdır? Onsuzda dövlət qurumları tərəfindən mütamadi olaraq xəbərlər verilir.Lazımsız informasiyanı yayanlar bilməlidirlər ki, belə xəbərləri yaymaqla ancaq düşməni sevindirirsiniz.

    Cavab yaz
  • Anonim
    azik · 26 Mart 16:1491

    belələr bilməlidir ki butun vatsap yazilari izlənilir

    Cavab yaz
  • Anonim
    .. · 26 Mart 17:22310

    bir sehvdirde eliyib.indi vurun oldurun.bizdede hami bir hime benddiye.yixilani vurmaqa yaxwiyiq.

    Cavab yaz
    • Anonim
      azik · 26 Mart 18:4291

      istəyirik ki başqalari belə zibilə duşməsin-bu qadin ağilsizliği ilə həbs qazandi

      Cavab yaz
  • Anonim
    Ninza · 26 Mart 22:5552

    Niqush bu idi.....hahahaha

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.