Kriminal

Xose Bernardo onu bıçaqlayan şəxsin kimliyini açıqladı: "Qardaşım arvadının..."

12 Noyabr 2019 09:37
5 Şərh     Baxış: 6 994

Teleaparıcı Xose Bernardo və qardaşı Rəfael Hüseynovun bıçaqlanmasının təfərrüatı məlum olub.

Milli.Az xəbər verir ki, APA TV-yə açıqlama verən aparıcının sözlərinə görə, hadisə evlərinin qarşısında baş verib.

O, axşam radələrində evdə olarkən qardaşı Rəfael Hüseynovun həyətdə bir nəfərlə mübahisə etdiyini eşidib. Səsə çölə çıxan zaman artıq Rəfaelin qan içində olduğunu görüb: "Qardaşımın səsinə çıxdım evdən. Gördüm qardaşım bir nəfərlə əlbəyaxa dalaşır. Onda gördüm ki, qardaşım artıq bıçaqlanıb. Onun üstünü qanlı görəndə mən həmin oğlanla tutaşdım. O zaman mənə bıçaq necə dəyib, hiss eləməmişəm. Ondan sonra xəbərim yoxdur".

Səs-küyə qonşular çıxan zaman həmin şəxs qaçaraq ərazidən uzaqlaşıb. Xose Bernardo deyir ki, onları bıçaqlayan şəxsi qardaşı Rəfael Hüseynov əvvəllər tanıyıb: "Bıçaqlayan şəxs qardaşımın indiki həyat yoldaşının keçmiş əri olub. Hesab edirik ki, hadisə qısqanclıq zəminində baş verib".

Bəzi KİV-də və sosial şəbəkədə hadisənin Pirallahı rayonunda yerləşən restoranlardan birində, tərəflərin içkili vəziyyətdə baş verdiyi yazılsa da, Xose Bernardo bu məlumatın əsassız olduğunu deyir: "Hadisə evimizin qarşısında baş verib. Heç həmin günü restoranda olmamışıq. Biz içki içən deyilik. Nə mən içirəm, nə də qardaşım. Elə bir şey olmayıb".

Qeyd edək ki, teleaparıcı Xose Bernardo və qardaşını bıçaqlayan şəxs Pirallahı Rayon Polis Şöbəsi əməkdaşlarının keçirdiyi əməliyyat-axtarış tədbirləri nəticəsində artıq saxlanılıb. Həmin şəxs əvvəllər məhkum olunmuş, 1985-ci il təvəllüdlü Abutalıb Hüseynovdur.

Milli.Az

loading...

Şərh yaz:

5 Şərh:

  • Anonim
    Ana · 12 Noyabr 09:47140

    Bernardo mədəni uşaqdı.

    Cavab yaz
  • Anonim
    Mahir · 12 Noyabr 10:2052

    Qardas arvadindan xeyir gelmez deyirler. Evezinde ziyan geler.

    Cavab yaz
  • Anonim
    6 · 12 Noyabr 10:5911

    esitdiyime gore qardasi artiq rehmete gedib (youtubda videonun altinda komentde yazmisdilar.

    Cavab yaz
  • Anonim
    f · 12 Noyabr 14:4320

    Allah belasini versin onun serefsiz

    Cavab yaz
  • Anonim
    Oxucu · 12 Noyabr 15:4640

    Allah şəfa versin hər ikisinə, cinayətkarın da bəlasını versin! Ona görə qadınlar xoşbəxt ola bilmirlər, nə birinci ərində, nə ikincidə. Bir şeyi isə anlamıram ki keçmiş məhkumlar islah olunmaq əvəzinə niyə həbsxanaya geri qayıtmağa bu qədər meylli olurlar. Bu gözəl həyatı insan kimi azadlıqda yaşamaq bu qədər çətindir?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.