Kriminal

“Ded Xasan”ın qətlinin üstü açılır - Sifarişçi məlum oldu...

20 Oktyabr 2019 13:13
1 Şərh     Baxış: 32 228

Sağ ikən kriminal aləmin "xaç atası" sayılan "Ded Xasan" ləqəbli Aslan Usoyanın qətlinin üstünü Rusiya İstintaq Komitəsi tərəfindən demək olar ki, tamamilə açılıb.

Milli.Az Virtualaz.org-a istinadən xəbər verir ki, bu barədə "Rosbalt" nəşri məlumat yayıb. Məlumata görə, qətlin sifarişçisi "Ded Xasan"ın qatı düşməni hesab edilən  "Merab Suximski" ləqəbli qanuni oğru Merab Djanqveladzedir. Bu, telefon dinləmələri zamanlı da öz təsdiqini tapıb.

Belə ki, "Merab Suximski"nin İtaliyada yaşadığı dövrdə Rusiya həbsxanasında cəza çəkən "Taro" ləqəbli qanuni oğru Tariel Oniani ilə danışıqları aşkarlanıb. Birincisi "Ded Xasan" a qarşı olmasından danışıb, ikincisi isə "onu ləğv edib, bütün problemlər yox olacaq" cavabı verib. Qeyd olunur ki, bundan sonra "Merab Suximski" kriminal aləmin kralına qarşı sui-qəsdin təşkili ilə məşğul olub.

Nəşr əlavə edir ki, "Ded Xasan"ın qətlinin sifarişçisinin kimliyi Taqansk cinayətkar qruplaşmasının fəaliyyətini  araşdırarkən üzə çıxıb. Məlum olub ki, mafiozun qətlə yetirildiyi odlu silah məhz onlara məxsus imiş. Həmin silahla 2009-cu ildə "Skif" ləqəbli qanuni oğru Andrey Qolubev qətlə yetirilib.

İstintaq zamanı məlum olub ki, mütəşəkkil dəstənin lideri İqor Jirnokleyev çox qənaətcil adam olub. Belə ki, qətldən sonra silahı atmamağı, növbəti cinayətə qədər gizlətməyi tapşırıb.

2010-cu ilin payızında "Jirnıy" dəstə üzvlərinə "Ded Xasan"ı güdməyi tapşırıb və bunun üçün onları silahla təchiz edib. Bir müddət sonra kriminal aləmin "xaç atası" killer tərəfindən ağır yaralanıb, amma sağ qalıb. 2012-ci ildə tarix bir daha təkrarlanıb. "Ded Xasan" dəstə üzvləri tərəfindən yenidən izlənilib.İstintaq aydınlaşdıb ki, killer məhz bu əməliyyatı həyata keçirmək üçün xüsusi olaraq Ukraynadan Moskvaya gəlib.

Qeyd edək ki, Aslan Usoyan 2013-cü ilin yanvarında baş nahiyəsindən aldığı güllə yarasından xəstəxanada vəfat edib. Xatırladaq ki, "Ded xaşan"ın kriminal dünyasına təsiri keçmiş postsovet məkanı ölkələrinə və Qərbi Avropanın bir hissəsinə yayılmışdı. Bəzi məlumatlara görə, o Qafqaz cinayətkar qruplaşmalarının rəhbərlik edib, ən nüfuzlu kriminal liderlərdən və Rusiyanın qanuni oğrularından biri olub.

Milli.Az

loading...

Şərh yaz:

1 Şərh:

  • Anonim
    ... · 20 Oktyabr 17:0630

    Birce ded xasani yox o qeder dedlerin anasini agaldacaq bu heyat

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.