PUL
Bakıda silsilə oğurluqlar törətməkdə təqsirləndirilən Pərviz İlyasovun cinayət işi üzrə ibtidai istintaq başa çatıb.
Milli.Az ölkə.az-a istinadən xəbər verir ki, cinayət işi baxılması üçün Bakı Şəhəri Nəsimi Rayon Məhkəməsində hakim Babək Pənahovun icraatına verilib.
Məhkəmə hazırlıq iclası sentyabrın 20-nə təyin edilib.
Qeyd edək ki, paytaxt ərazisində silsilə oğurluqlar edən P.İlyasov iyun ayında Nəsimi Rayon Polis İdarəsi 21-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində saxlanılaraq istintaqa cəlb edilib.
Araşdırma zamanı müəyyən edilib ki, özünə "pitbull" ləqəbi götürən həmin şəxs aprelin 24-də Nəsimi rayonunda yerləşən mağazalardan birindən içərisində 15 000 manat olan seyfı oğurlayıb. Elə həmin gün P.İlyasov ödəmə terminallarından birinin kassasını yararaq içərisində olan 1000 manatı da talayıb. Qeyd edilən faktlarla bağlı Nəsimi RPİ-nin İstintaq Şöbəsində cinayət İşi başlanılıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
.jpg)
.jpg)
