Kriminal

“Aloo! Onu tutun, terrorçudur...” - Azərbaycanlı kişi qadını tutdurmaq istədi, ÖZÜ İLİŞDİ

12 Avqust 2019 16:24

0 Şərh Baxış: 2 939

VTB-də minimal faiz dərəcəsi ilə nağd kredit 9.9%-dən

#CƏMİYYƏT #KRİMİNAL #RUSİYA

Rusiyanın Sankt-Peterburq şəhərində Azərbaycan vətəndaşı birlikdə yaşadığı, lakin qısqanclıq səbəbindən ayrıldığı qadını polisə "terrorçu" kimi qələmə verərək tutdurmaq istəyib. Amma özü ilişib.

Milli.Az Virtualaz.org-a istinadən xəbər verir ki, həmin şəxs avqustun 9-da gecə saat 1 radələrində beş dəfə, ertəsi gün isə gündüz saatlarında 2 dəfə polisə zəng vuraraq terror xəbərdarlığı edib. Adam israrla bildirib ki, onun əvvəllər birlikdə yaşadığı qadın terror aktı hazırlayır. Və qadının yaşadığı ünvanı da polisə bldirib. Daha sonra telefonu söndürüb.

Lakin hüquq-mühafizə orqanları müəyyən ediblər ki, zəng edilən telefon aparatı Moskvadakı firmalardan birinə məxsusdur, zəng isə Şaşarı qəsəbəsindəki Badayev keçidindəki evlərdən birindən edilib. Bu izlər sayəsində azərbaycanlını avqustun 10-da axşam saat 21 radələrində Şaşarı qəsəbəsinin Lenin küçəsində tutublar. Məlum olub ki, o heç yerdə işləmir, Peterburqda qeydiyyatsız yaşayır. Üstəlik sərxoşdur. Həmin adamın əvvəllər də yalandan terror hücumu barədə xəbərdarlıq etdiyinə görə üç dəfə məhkum olunduğu üzə çıxıb.

Milli.Az