Kriminal

Bakıda yatarkən bıçaqlanan kişini öz arvadı qətlə yetirmiş ola bilər - Qadın yalan danışır?

10 İyul 2019 20:06
5 Şərh     Baxış: 4 514

Bakının Suraxanı rayonu, Yeni Günəşli qəsəbə sakini, 1979-cu il təvəllüdlü Sofiyev Araz Knyaz oğlunun qətlində öz həyat yoldaşının əli ola bilər.

Milli.Az xəbər verir ki, bu barədə oxu.az-a Bakının Suraxanı rayonu hüquq-mühafizə orqanlarının əməkdaşları məlumat verib.

Oxu.az-ın daha əvvəl verdiyi məlumata əsasən, iyulun 7-si, saat 03:00-da Yeni Günəşli qəsəbəsində yaşayan A.Sofiyevin evinə iki naməlum şəxs basqın edib. Təqsirləndirilən şəxslərin dediyinə görə, evin sahibinin onlara pul borcu olub. Həmin şəxslər ev sahiblərinə bıçaqla xəsarət yetiriblər. Nəticədə A.Sofiyev aldığı xəsarətlərdən həyatını itirib. Naməlum şəxslər evdən 4800 ABŞ dolları aparıb və evdən çıxarkən A.Sofiyevin həyat yoldaşı Rəna Sofiyevaya da bıçaqla xəsarət yetiriblər. Qadına tibbi yardım göstərilib.

Lakin istintaq mənzilə iki nəfərin basqın etdiyini deyən R.Sofiyanın sözlərinə şübhə ilə yanaşır və hesab edir ki, o, nəyisə gizlədir.

Keçirilən əməliyyat-axtarış tədbirləri zamanı müəyyən edilib ki, kişiyə 17 bıçaq zərbəsi endirilib. A.Sofiyevə divanda oturanda hücum edilib. Maraqlıdır ki, qətl zamanı evdə Sofiyevlərin 15 yaşlı oğlu və öldürülən şəxsin qayınanası da olub. Onlar iddia edirlər ki, yatmış olublar, buna görə də heç nə eşitməyib və görməyiblər.

Hərçənd ilkin dindirmə zamanı R.Sofiyeva bildirib ki, üzlərini maska altında gizlətmiş cinayətkarlar onun ərindən pul tələb edib və münaqişə bu zəmində  baş verib. Ancaq münaqişənin səs-küylə müşayiət olunması qaçılmaz olardı.

Kişiyə vəhşicəsinə divan tutmuş cinayətkarların cinayətin əsas şahidi olan qadına toxunmamaları da qəribə görünür. Onlar yalnız qadının əlini yüngülcə yaralayıblar.

Əldə olunan məlumata görə, Sofiyevlərin evinin yaxınlığında quraşdırılmış müşahidə kamerası həmin gecə ərazidə kişinin hərəkətini qeydə alıb. Lakin hələlik istintaq həmin kişinin kim olduğunu müəyyənləşdirə bilməyib.

Ehtimal edilir ki, qadın istintaqdan həqiqəti gizlədir.

Hüquq-mühafizə orqanlarının əməkdaşları qeyd ediblər ki, əgər qadın qətldə iştirak edibsə, deməli, onun köməkçisi olub:

"Çox güman ki, bıçaq zərbələrini kişi endirib. Və ən əsası, biz Araz Sofiyevin kimə borclu olduğunu tapmamışıq. İndi istintaq bütün mümkün versiyalar üzərində işləyir".

Daha bir versiyaya əsasən, kişi yatarkən öldürülüb.

Milli.Az

loading...

Şərh yaz:

5 Şərh:

  • Anonim
    ana · 10 İyul 20:3140

    kişi yatıb qadın divanda oturubmuş ölənin də qaynanası yatıbmış burda çox şey gizlədilir heç səs küy salmayıb ki ay ana ərimi doğradılar qoyma həm də 15 yaşlı oğul bəlkə də özləri öldürüb bilmək olmaz ölənin arvadı hadisəni tamamı ilə gizlədir

    Cavab yaz
  • Anonim
    Musa · 11 İyul 05:1121

    ər yatandan sonra sevgilisi ilə görüşəndə ər oyanıb və onlar ikisi kişini öldürüblər

    Cavab yaz
  • Anonim
    REŞALA · 11 İyul 11:1010

    ŞERLİ XOMS

    Cavab yaz
  • Anonim
    ₼₼₼ · 11 İyul 15:3100

    Maraqlidir sahidi hər zaman oldururlər axi

    Cavab yaz
  • Anonim
    Seva... · 11 İyul 16:0900

    Ya ozu oldurub ya da eleltisina oldurtdurub. Ekspertiza yatarken oldurulub deyirse ,qadin niye divanda oturub maskali gelib pul istiyib kiwi vermiyib oldurubler desin. Hem kimin erini oldurseler wuven qoparar. Bu arvadin iwidi

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.