Kriminal

Bakıda avtobus sürücüləri ilə sərnişinlər arasında dava düşüb, yaralılar var - YENİLƏNİB

4 May 2015 11:15

0 Şərh Baxış: 3 360

VTB-də minimal faiz dərəcəsi ilə nağd kredit 10.49%-dən

#KRİMİNAL #AVTOBUS #DAEWOO INTERNATİONAL CORP

11:15

Xətai Rayon Polis İdarəsindən APA-ya verilən məlumata görə, hadisə Mirzə Davud küçəsi 11 ünvanında qeydə alınıb.

1972-ci il təvəllüdlü Pərviz Ramiz oğlu Məlikovun idarə etdiyi, 60 saylı xətt üzrə hərəkət edən "Daewoo" markalı sərnişin avtobusunda sürücü ilə avtobusun sərnişini, 1981-ci il təvəllüdlü Vüqar Maarif oğlu Mehdiyev arasında "Neftçilər" metro stansiyasının yaxınlığında insident yaşanıb.

Sərnişinlə sürücü aralarında baş verən insidentə aydınlıq gətirmək üçün Xətai rayonunda yerləşən "Elektrotok" qəsəbəsi ərazisində, 60 saylı sərnişin avtobusunun sonuncu dayanacağında görüş təyin ediblər.

Hadisə yerinə tanışı Elnur Elxan oğlu Məmmədovla gələn sərnişinlə dayanacaqda olan sürücülər arasında dava baş verib. Müxtəlif bədən xəsarəti alan E. Məmmədov sürücü P. Məlikova bıçaqla xəsarət yetirib.

P. Məlikov müxtəlif bədən xəsarəti ilə xəstəxanaya yerləşdirilib.

Həyata keçirilən əməliyyat axtarış tədbirləri nəticəsində E. Məmmədov və V. Mehdiyev tutulub.

Faktla bağlı araşdırma aparılır.

---------
09:24

Gecə Bakının Xətai rayonu Nobel prospektində yerləşən avtobus parkında bıçaqlanma hadisəsi qeydə alınıb.

Milli.Az-ın anspress-ə istinadən məlumatına görə, hadisə zamanı həmin parkda işləyən 43 yaşlı Məlikov Pərviz Ramiz oğlu naməlum şəxslər tərəfindən ayaq nahiyəsindən bıçaqlanıb.

Yaralı ağır vəziyyətdə 3 saylı şəhər klinik xəstəxanasına yerləşdirilib.

Hadisə ilə bağlı Xətai Rayon Polis İdarəsi və 36-cı polis bölməsinə məlumat verilib.

Pərviz Məlikovu bıçaqlayan şəxsin axtarışları isə davam edir.

Milli.Az