Bu gün Bakı Ağır Cinayətlər Ağır Cinayətlər Məhkəməsində İŞİD və qanunsuz silahlı birləşmələrin tərkibində vuruşmaqda ittiham olunan Firdovsi Yusifov və Taleh Soltanovun barəsindəki cinayət işi üzrə məhkəmə prosesi başa çatıb.
APA-nın xəbərinə görə, məhkəmənin hökmü ilə F.Yusifov 11 il 6 ay, T.Soltanov isə 7 il 6 ay müddətinə azadlıqdan məhrum ediliblər.
Qeyd edək ki, MTN-in İctimai Əlaqələr Mərkəzinin ötən il sentyabrın 23-də yaydığı məlumata görə, Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə, habelə, tərbiyə etmək vəzifəsini daşıyan şəxs kimi yetkinlik yaşına çatmayan şəxsi ağır cinayətin törədilməsinə cəlb etmə və başqa hüquqazidd əməllərinin törədilməsinə görə ümumilikdə 26 nəfər Azərbaycan vətəndaşı şəxs qismində saxlanılıb. Saxlanılanlar arasında F. Yusifov və T. Soltanov da var.
Faktlarla bağlı MTN İstintaq Baş İdarəsi tərəfindən Cinayət Məcəlləsinin 12.1, 279.1-ci və 170.3-cü maddələri ilə cinayət işləri başlanılıb.
Müəyyən edilib ki, Firdovsi Yusifov və Taleh Soltanov Pakistan İslam Respublikasının ərazisində həmin dövlətin və Azərbaycan Respublikasının qanunvericiliyi ilə nəzərdə tutulmayan silahlı birləşmələrin fəaliyyətində iştirak ediblər. Pakistanda Firdovsi Yusifov və Taleh Soltanov tanış olaraq birlikdə qanunsuz silahlı birləşmələrdə iştirak etdikdən sonra Suriya Ərəb Respublikasının ərazisində fəaliyyət göstərən qanunsuz silahlı birləşmələrdə iştirak etmək qərarına gəliblər. Onlar bu məqsədlə 2013-cü ilin avqust ayında Pakistandan İran ərazisinə qanunsuz keçərkən yerli hüquq-mühafizə orqanları tərəfindən yaxalanıb və 2014-cü il aprelin 24-də Azərbaycan Respublikasına təhvil veriliblər. Taleh Soltanovun arvadı və qayınanası isə Suriya ərazisində qanunsuz silahlı birləşmələrdə iştirak edən şəxslərlə əvvəlcədən əldə olunmuş razılığa əsasən, onların köməkliyi ilə bu ölkəyə keçiriliblər. İranda həbsdə olduğu müddətdə Taleh Soltanovun Suriyada övladı olub və hazırda onun ailə üzvləri qızğın döyüşlərin getdiyi ərazilərdə qalıblar.
Milli.Az
Kriminal
Pakistan və Suriyada döyüşlərdə iştirak etmiş Azərbaycan vətəndaşlarına hökm oxundu
6 Aprel 2015 17:07
0 Şərh
Baxış: 2 261
![](https://img2.milli.az/n/clickable/204433/0b/d/isid_251.jpg)
DİGƏR XƏBƏRLƏR
XƏBƏR LENTİ
-
Nazirlik rəsmisi hava ilə bağlı çağırış etdi
-
Mətanət İsgəndərli nəvələri ilə - FOTOlar
-
Əfsanəvi yarışçı yüksək sürətlə beton divara çırpıldı - VİDEO
-
“Qəbələ”dən ikinci transfer
-
Volkan Dəmirələ ağır itki
-
İnsanlar ölməzdən əvvəl nəyə peşman olurlar - Ən çox yayılmış 10 şey
-
“Sabah”ın Çempionlar Liqasındakı rəqibi müəyyənləşdi
-
Qonşuda yeni xəstəlik: növbəti pandemiya gözlənilir?
-
“Qəbələ”də yeni müdafiəçi
-
Ailə həyatının ən şanslı bürcləri
-
3 gün 3 gecə toy etdilər - FOTO
-
Riki Martin ilk dəfə Bakıya gəlir
-
Buzovnada qara maskalılar saxlanıldı
-
Çimnaz çılpaq şəkillərini bu qiymətə satışa çıxardı - FOTO
-
Elşad Xosedən xanımı ilə FOTO
-
Silk Way West Airlines və China Henan Aviation Group arasında anlaşma memorandumu imzalanıb - FOTO
-
Yaşar Nurinin qızının geyimi gündəm oldu - VİDEO
-
Havanın temperaturu yenidən DƏYİŞİR - VİDEO
-
Teymur Rəcəbov yenidən “Şahmat ulduzları”nda
-
"Tiktokda hədiyyə istəyənlər dilənçidirlər"
-
Evlilik ildönümünə tort sifariş edilmişdi - Zaqatalada ölən gəncin ACI TALEYİ - FOTO
-
“Azərbaycanda boşanmayan ailə qoymadınız” - FOTO
-
İlham Əliyev İtaliyanın müdafiə nazirini qəbul edib - VİDEO - FOTO
-
“Turan Tovuz”da rusiyalı qapıçı