Kriminal

Taksi sürücüsünü bıçaqlayaraq maşınını qaçıran şəxslər saxlanıldı - FOTO

31 Mart 2015 16:33

1 Şərh Baxış: 2 886

VTB-də minimal faiz dərəcəsi ilə nağd kredit 9.9%-dən

#AZERBAİJAN #KRİMİNAL #HYUNDAİ MOTOR CO LTD

Saxlanılan şəxslər barəsində cinayət işi başlanılıb

Abşeron rayonunda taksi sürücüsü, 53 yaşlı İntiqam Ağayevi bıçaqlayaraq onun "Hyundai" markalı maşınını qaçırmaqda şübhəli bilinən iki nəfər saxlanılıb.

Abşeron Rayon Polis İdarəsindən report-a bildirilib ki, hadisə barədə məlumat daxil olan kimi idarənin peşəkar əməkdaşlarından ibarət əməlıyyat qrupu yaradılıb. İsti izlərlə keçirilən əməliyyat-axtarış tədbirləri nəticəsində İ.Ağayevin avtomobilini quldurluq yolu ilə almış Beyləqan rayon sakini, əvvəllər məhkum olunmuş Ceyhun Nəsirov və Laçın rayon sakini İlqar Abbasov tutulublar.

Qeyd edək ki, metronun "20 Yanvar" stansiyasının yaxınlığında iki nəfər İ.Ağayevə məxsus avtomobilə əyləşərək onları Abşeron rayonu "At Yali" adlanan əraziyə aparmalarını xahiş ediblər. Müştərilər deyilən əraziyə çatanda İ.Ağayevə qarşı zor tətbiq ediblər. Onun əl nahiyəsinə biçaqla xəsarətlər yetirən cinayətkarlar sürücünün əl-qolunu bağlayıb avtomobilin yük yerinə qoyublar. Avtomobilin sükanı arxasına keçən cinayətkarlar sürücünü yoldan bir qədər kənara ataraq maşınla birlikdə hadisə yerindən uzaqlaşıblar. İ.Ağayev yaxınlıqdan keçən yük maşınlarının köməyi ilə hadisə barədə polislərə məlumat verə bilib.

Saxlanılan şəxslər barəsində cinayət işi başlanılıb, istintaq davam edir. C.Nəsirov və İ.Abbasovun əvəllərindən başqa zərərçəkən şəxslər varsa, Abşeron rayon Polis İdarəsinə müraciət edə bilərlər.

Milli.Az

Böyütmək üçün şəkillərə klikləyin.