Kriminal

Keçmiş arvadını öldürdü, xalası ilə köməkləşib bağda basdırdı

23 Mart 2026 23:06
Baxış: 1 760
VTB-də minimal faiz dərəcəsi ilə nağd kredit 9.9%-dən
#HADİSƏ #KRİMİNAL #AİLƏ #BRİTANİYA

Böyük Britaniyada məhkəmə 42 yaşlı Əlirza Əskərini boşanmaq istəyən həyat yoldaşını qətlə yetirdiyinə görə ömürlük həbs cəzasına məhkum edib. 

Milli.Az xəbər verir ki, istintaq qadının 2025-ci ilin aprelində həyat yoldaşından ayrı yaşamağa başladıqdan sonra itkin düşdüyünü müəyyən edib. Onun dostu dərhal ərdən şübhələnərək polisə məlumat verib. Araşdırma zamanı hüquq-mühafizə orqanları şübhəlinin evinin həyətində insan qalıqları aşkar ediblər. Qalıqlar bağda gizlədilb və üzəri bitkilərlə örtülüb.

Müəyyən edilib ki, kişi cinayətə əvvəlcədən hazırlaşıb və tək hərəkət etməyib. Hadisədən sonra o, izləri gizlətmək üçün xalası Məryəm Dəlavərini cəlb edib. Qadın gələnə qədər o, sübutların bir hissəsini aradan qaldırıb və özünü qaydaya salıb, sonra birlikdə meyiti basdırıblar.

Həmçinin məlum olub ki, hadisədən sonra o, ətrafdakıları aldatmağa çalışaraq yazışmalarda özünü həyat yoldaşı kimi təqdim edib və guya onun başqa yerə getdiyini bildirib.

Məhkəmə təqsirləndirilənin psixi xəstəliklə bağlı iddialarını rədd edərək bunun onun niyyətinə təsir etmədiyini vurğulayıb. Onun xalası da günahkar bilinib və real həbs cəzasına məhkum edilib. (lent.az)

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.