Kriminal

Ögey qızına əxlaqsız hərəkətlər edənə bu cəza verildi

14 Avqust 2026 13:48

Baxış: 1 321

VTB-də minimal faiz dərəcəsi ilə nağd kredit 9.9%-dən

#MƏHKƏMƏ #HƏBSXANA

Ögey qızına qarşı seksual xarakterli zorakılıq əməlləri törətmiş şəxsə açılmış cinayət işi üzrə proses başa çatıb.

"Qafqazinfo"nun əldə etdiyi məlumata görə, Lənkəran Ağır Cinayətlər Məhkəməsində Saatlı rayon sakini 1988-ci il təvəllüdlü Sübhan Səfərova (ad və soyadlar şərtidir) hökm oxunub.

Bildirilib ki, S.Səfərov ailəsi ilə Ağdamdan məcburi köçkün düşdükdən sonra Saatlıda məskunlaşıb. Əvvəllər narkotiklə bağlı cinayətə görə məhkum edilmiş şəxs ötən il Ucar rayonundan olan Əsmayə adlı qadınla qeyri-rəsmi nikah bağlayıb və birgə yaşamağa başlayıblar. Həmin qadın Saatlıya köçərkən birinci nikahdan doğulmuş 2011-ci il təvəllüdlü qızını da özü ilə gətirib. Bir müddət sonra isə Sübhan Səfərovun yaşadığı evdə Əsmayənin qızına seksual xarakterli hərəkətlər etməsinin üstü açılıb və o, polis tərəfindən saxlanılıb, barəsində cinayət işi başlanılıb. Yeniyetmə qızı dayısı Sübhanın evindən aparıb.

Məhkəmədə təqsirləndirilən şəxs ögey qızına qarşı cinayət törətmədiyini deyib. Lakin onun ibtidai istintaqa verdiyi etirafedici ifadəsi elan edilib.

Hökmə əsasən, S.Səfərov Cinayət Məcəlləsinin 152.2-1.1-ci maddəsi ilə təqsirli bilinib. O, 11 il həbs cəzasına məhkum olunub.

Müəllif: Tural Hüseyn (Milli.Az redaktor)