Kriminal

Bakıda məktəbli oğlana əxlaqsızlıq edən iş adamı həbs edildi

20 Aprel 2024 18:13

Baxış: 2 355

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #MƏHKƏMƏ #CİNAYƏT #MƏKTƏBLİ #ŞAGİRD #HƏBSXANA #MƏHKUM

Bakıda yetkinlik yaşına çatmayan oğlana qarşı seksual xarakterli zorakılıq hərəkətləri etmiş mağaza sahibi cinayət məsuliyyətinə cəlb edilib.

Milli.Az publika.az-a istinadən xəbər verir ki, hadisə paytaxtın mərkəzində - Beşmərtəbə adlanan ərazidə baş verib.

Həmin ərazidə yerləşən idman əşyaları mağazasının icarədarı, 1965-ci il təvəllüdlü Afət Yusifov (soyad şərtidir) yaxınlıqda yaşayan 2010-cu il təvəllüdlü A.Məmmədovla münasibət qurub.

Belə ki, azyaşlının bir neçə dəfə anası ilə onun mağazasından alış veriş etməsindən sonra Afət yeniyetmə ilə mehriban münasibət qurub, velosipedini təmir etməyə kömək edəcəyini deyib. O, 2023-cü ilin iyul ayından etibarən bir neçə dəfə yetkinlik yaşına çatmayan oğlana qarşı seksual xarakterli hərəkətlər edib. Hətta onun velosipedinə siqnal quraşdırmaq adı ilə özü ilə Xətai rayonu Babək prospektində yerləşən evinə apararaq iyrənc hərəkətlərinə davam edib.

Bundan sonra Afət Yusifov A.Məmmədova baş verənlər barəsində heç kimə deməməsini tapşırıb və onu hədələyib.

Yeniyetmənin anası oğlunun başına gətirilənləri bildikdən sonra Afət barəsində şikayət edib, həmçinin övladını psixoloqa aparıb. Afət psixoloji yardım və müalicə üçün ona 3 min manat ödəyib.

Bununla yanaşı iş adamı barəsində Cinayət Məcəlləsinin 150.3.3-cü (Seksual xarakterli zorakılıq hərəkətləri - 14 yaşına çatmayan şəxsə qarşı) maddəsi ilə cinayət işi açılıb.

Cinayət işinə Bakı Ağır Cinayətlər Məhkəməsində baxılıb və aprelin 16-da hökm oxunub. Məhkəmənin hökmü ilə Afət Yusifov 16 il müddətə azadlıqdan məhrumetmə cəzasına məhkum edilib.

Milli.Az
Xəbərlərimizi WhatsApp kanalımızdan da oxuyun