Kriminal

3 nəfəri qətlə yetirən şəxsin məhkəmədən GÖRÜNTÜLƏRİ - YENİLƏNİB - VİDEO

26 Fevral 2024 18:05

Baxış: 1 200

#HADİSƏ #KRİMİNAL #VİDEO #MƏHKƏMƏ #CİNAYƏT

Milli.Az report-a istinadən xəbər verir ki, üç nəfəri qətlə yetirən şəxsin məhkəmədən görüntülərini təqdim edir.

---------

17:24

Buzovna qəsəbəsində bir ailənin üç üzvünü qətlə yetirməkdə ittiham edilən Nofəl Səfərovun cinayət işi üzrə məhkəmə istintaqı yekunlaşıb.

Milli.Az qafqazinfo-ya istinadən xəbər verir ki, Bakı Ağır Cinayətlər Məhkəməsində keçirilən iclasda prokuror Orxan Səmədov ittiham nitqi ilə çıxış edib.

Prokuror N.Səfərovun itttihamlarla təqsirli bilinərək qanunun icazə verdiyi ən ağır cəzaya məhkum edilməsini tələb edib. Məhkəmə ittihamçının tələbini təmin edəcəyi halda müttəhim qalan ömrünü Qobustan qapalı həbsxanasında keçirməlidir.

Məhkəməyə sədrlik edən hakim Leyla-Əsgərova vəkilə müdafiə çıxışına hazırlaşmaq üçün martın 4-nə kimi vaxt verib.

Qeyd edək ki, hadisə 2022-ci ilin dekabrında qeydə alınıb. İttihama görə, 48 yaşlı Nofəl Səfərov şəxs zərərçəkmişlərin qızıllarını oğurlamaq və şəxsi münasibətlər zəminində keçmiş arvadının babasını, nənəsini və keçmiş arvadının dayısını öldürüb, hadisə vaxtı xəsarət alan şəxs isə onun qaynı olub.

Təqsirləndirilən şəxs cinayət aləti kimi balta və bıçaqdan istifadə edib. Qətlə yetirilənlərdən biri ruhi xəstə olub.

Səfərova qarşı Cinayət Məcəlləsinin 120.2.7 (iki və ya daha çox şəxsi öldürmə) və 120.2.11-ci (quldurluq, hədə-qorxu ilə tələb etmə, terrorçuluq və ya banditizmlə əlaqədar adam öldürmə) madələri ilə ittiham verilib.

Milli.Az
Xəbərlərimizi WhatsApp kanalımızdan da oxuyun