Kriminal

6-cı övladını yerə çırpıb öldürmək istəmişdi, arvadı bağışladı

23 Noyabr 2022 22:33
Baxış: 945

Bu ilin aprelində 1 yaşlı oğlunu yerə çırparaq öldürməyə cəhddə ittiham olunan 1992-ci il təvəllüdlü Samir Ağakərimovun məhkəməsi başa çatıb. 

Milli.Az xəbər verir ki, "qafqazinfo"nun əldə etdiyi məlumata görə, Bakı Ağır Cinayətlər Məhkəməsində keçirilən prosesdə 29,120.2.4 və 29,120.2.9-cü (xüsusi amansızlıqla və köməksiz vəziyyətdə olan şəxsi öldürməyə cəhd) maddəsi ilə təqsirləndirilən S.Ağakərimova hökm oxunub. Ona 11 il 3 ay müddətinə həbs cəzası verilib.

Məhkəmədə bildirilib ki, S.Ağakərimov narkotik vasitə istifadəçisidir, hadisə günü də narkotikin təsiri altında olub və nə elədiyini xatırlamır.

İttihama əsasən, Samir Ağakərimov həyat yoldaşı P.Ağakərimovadan şübhələnərək onu bir neçə dəfə izləyib. Ata hətta azyaşlının onun bioloji övladı olmadığını da düşünüb. Elə bu səbəbdən sonuncu dəfə Yasamal rayonunda yerləşən evdə dava edərkən uşağı ananın qucağından dartıb alaraq yerə çırpıb. Körpə xəstəxanaya çatdırılıb və onun həyatını həkimlər xilas edib.

Həmin gün dava-dalaş zamanı Samir Ağakərimov xanımının əşyalarını küçəyə töküb. S.Ağakərimov məhkəmədə ifadəsində bildirib ki, P.Ağakərimova onun ikinci həyat yoldaşıdır. Və iki arvadından 6 uşağı var. Yerə çırpdığı övladı isə ikinci evliliyindən olan sonuncu uşağı imiş. 

O da məlum olub ki, Samir Ağakərimov internatda böyüyüb, xanımı da valideynlərini itirdiyi üçün onlar bir-birinə uyğun olduqlarını düşünərək evləniblər.

Məhkəmədə zərərçəkmiş körpənin hüquqi varisi qismində çıxış edən uşağı anası P.Ağakərimova həyat yoldaşını bağışladığını deyib, onun həbsdən buraxılmasını istəyib.

Məhkəmə prosesi noyabrın 18-də başa çatıb.

Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics