Kriminal

“Beerlin Pub”da müştərini öldürən mühafizəçinin cəzası bəlli oldu

27 İyul 2022 15:32

Baxış: 1 696

VTB-də minimal faiz dərəcəsi ilə nağd kredit 9.9%-dən

#MƏHKƏMƏ

Bakıda məşhur "Beerlin Pub"da müştərini öldürməkdə təqsirləndirilən mühafizəçi Orxan Şahbazovun cinayət işi üzrə məhkəmə prosesi yekunlaşıb.

Milli.Az qafqazinfo-ya istinadən xəbər verir ki, Bakı Ağır Cinayətlər Məhkəməsinin hökmü ilə O.Şahbazov 10 il müddətə azadlıqdan məhrum edilib.

O.Şahbazovun vəkili Ceyhun Yusifov bildirib ki, müvəkkilinin əməli qəsdən adam öldürmədən ehtiyatsızlıqdan adam öldürməyə tövsif olunub.

Qeyd edək ki, Orxan Şahbazov ötən il avqustun 29-da "pub"a gələn müştəri Vüqar Mustafayevi başından vuraraq ölümünə səbəb olub. V.Mustafayev uzun müddət Ukraynanın Azərbaycandakı Səfirliyinin əməkdaşı işləyib. O, eyni zamanda Təhsil Nazirliyində 21 il idarə rəisi, daha sonra isə şöbə müdirinin müavini işləyən İlham Mustafayevin oğludur.

Orxan Şahbazov isə uzun illər fitness-məşqçi kimi fəaliyyət göstərib və sosial şəbəkələrdə tanınan şəxs olub. O, bir sıra məşhur simaların özəl mühafizəçisi işləyib.

Milli.Az