Ölkə

Bu gün şəhid Etibar Nəcəfovun anım günüdür - VİDEO

27 Noyabr 2021 16:06

2 Şərh Baxış: 1 685

VTB-də minimal faiz dərəcəsi ilə nağd kredit 9.9%-dən

#VİDEO #ŞƏHİD

Vətən müharibəsində Azərbaycanın ərazi bütövlüyü uğrunda silaha sarılaraq ön sıralarda döyüşən və canından keçərək şəhadətə yüksələn vətən oğullarından biri də Etibar Nəcəfovdur.

Əslən Laçın rayonundan olan Etibar Nəcəfov 14 noyabr 1998-ci ildə Ağcabədi rayonunun Aran kəndində anadan olub. Onun ailəsi hələ birinci Qarabağ müharibəsi dövründə Laçından qaçqın düşərək Ağcəbədi rayonuna sığnıb.

Həmişə vətən həsrəti ilə yaşayan ailə Etibara vətənpərvər hisslər aşılayıb. Etibar idmançı idi vətən müharibəsin başlayan gündən özünə yer tapa bilmirdi. Döyüşlərdə iştirak etmək üçün könüllü olaraq hərbi komissarlığa müraciət edir və nəhayət arzusuna çatır. Qubadlı uğrunda gedən döyüşlərdə şəhadətə yüksələn Etibar Nəcəfovun bu gün anım günüdür.

Cəbrayıl, Füzuli, Zəngilan, və Qubadlı rayonlarının azad edilməsi uğrunda gedən döyüşlərdə iştirak edən Etibar Nəcəfov Oktyabrın 20-də Qubadlı rayonu uğrunda gedən döyüşlərdə şəhadətə yüksəlib. O, əzəli torpaqlarımızın azadlığı uğrunda göstərdiyi misilsiz şücaətə görə "Vətən uğrunda", "Cəbrayılın azad olunmasına görə", "Füzulinin azad olunmasına görə", "Xocavəndin azad olunmasına görə", "Qubadlının azad olunmasına görə" medalları ilə təltif edilib.

Milli.Az Real TV-nin hazırladığı sujeti təqdim edir:

Milli.Az