Ölkə

"Lotu Quli"nin ən yaxın adamı "Vəhşi" hara nəzarət edəcək? - 50 min...

25 Noyabr 2021 05:33
0 Şərh     Baxış: 10 712
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bir qədər əvvəl Türkiyədə qətlə yetirilmiş "Lotu Quli"nin ən sadiq adamlarından olan "Vəhşi Arman" ləqəbli Arman Cumagəldiyev Qazaxıstan və Urala nəzarətçi təyin edilib.

Milli..Az lent.az-a istinadən xəbər verir ki, "Vəhşi" vaxtı ilə "Quli"nin ən sadiq adamlarından sayılırdı. Hətta o dərəcədə Ki, kimisə cəzalandırmaq lazım gələndə, bunu çox vaxt elə o edirdi. 

Məsələn, bir dəfə  "Quli"nın olduğu toplantında Quram Çixladze sillələnib. Məsələ ondadır ki, "Quli" ilə yaxınlaşan Quramın Türkiyədə qətlə yetirilən Rövşən Lənkəranskinin adamları ilə yaxınlığı üzə çıxıb. Bu adamlar isə 2017-ci ildə Türkiyədə "Quli"nin evinə basqın ittihamlı ilə həbsə alınmış, sonradan "Quli"nin şikayət etməməsi səbəbindən azadlığa buraxılmışdılar.

"Quli" Qurama Lənkəranski klanı ilə internetdə üzə çıxan şəklindən sonra hərəkətini görə sillələdib, ondan uzaq durmasını istəyib. Bu işi isə "Vəhşi Arman" edib. 

Hazırda 36 yaşı olan Arman Qazaxıstanın Çimkənd şəhərində anadan olub. Uşaq vaxtlarında boksla məşğul olub və idmanda uğur qazan bilib. Məsələn, o, bir dəfə dünya ikincisi olub, ümumilikdə isə onun kolleksiyasında  10-u qızıl olmaqla 16 medal var.

17 yaşında ikən ətrafına xeyli idmançı yığa bilib. Onun dəstəsi uzun müddət bir sıra kriminal "razborka"larda iştirak ediblər. İki dəfə həbs edilib. Daha sonra isə Qazaxıstanı tərk edərək Türkiyəyə gəlib. Quli ilə də elə burada tanış olub. Yeri gəlmişkən, "Vəhşi Arman" Instagramda fəaldı. Onun 50 mindən çox izləyicisi var.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.