Ölkə

Ağdaşda 15 yaşlı qızın toyu oldu: 4 yaşında göbəkkəsdi olubmuş

21 Noyabr 2021 16:05
10 Şərh     Baxış: 3 185

Ağdaşda 15 yaşlı qızla evlənən 24 yaşlı şəxsə cinayət işi açılıb. Məhkəmə onun barəsində hökm çıxarıb. İfadələrdən məlum olub ki, qızın 4 yaşı olanda evləndiyi oğlanla göbəkkəsdi ediblər.

Milli.Az musavat.com-a istinadla xəbər verir ki, işin üstü toydan sonra açılıb. 24 yaşlı Qasımın (ad şərtidir) 15 yaşlı Çiçəklə (ad şərtidir) toyu olub. Qız toyu onun anasıgilin həyətində, oğlan toyu isə rayonda şadlıq sarayında keçirilib.

Bu hadisədən sonra Cinayət Məcəlləsinin 152.1-ci (on altı yaşına çatmayan şəxslə cinsi əlaqədə olma və ya seksual xarakterli digər hərəkətlər etmə) maddəsi ilə cinayət işi açılıb.

Araşdırmalar zamanı məlum olub ki, Qasımla Çiçək həm də qohumdur.

Qasım deyib ki, ailə qurduğu Çiçək onun qohumu olub, ailəvi gediş-gəlişləri də var imiş.

Bir-birlərini uzun müddət sevdiklərini deyən Qasım bildirib ki, ailə qurmaq qərarına gəldiklərini valideynlərinə deyiblər və onlar da etiraz etməyib.

Onun sözlərinə görə, 4 yaşları olanda valideynləri onları göbəkkəsdi ediblər. İşin maraqlı tərəfi budur ki, göbəkkəsdidən sonra Çiçəyi də Qasımın ailəsi saxlayıb.

Çiçək 15 yaşına çatanda onların əvvəlcə qız toyu olub. Qız toyu Çiçəyin valideyinlərinin həyətində baş tutub. Oğlan toyu isə rayondakı şadlıq sarayında keçirilib.

Onların hər ikisi xoşbəxt olduqlarını deyiblər. Çiçək 2020-ci ildə - 16 yaşında ana olub...

Araşdırmalar zamanı Çiçək, onun valideynləri və Qasımın valdieynləri də eyni məzmunlu ifadə veriblər.

Tərəflərin bir-birindən şikayətçi olmaması Qasımın cəzasını yüngülləşdirib və ona 1 il müddətinə şərti cəza təyin edilib.

Milli.Az

35 000 AZN-dək krediti ONLAYN sifariş et!

Şərh yaz:

10 Şərh:

  • Anonim
    ramal · 21 Noyabr 16:3520

    dözə bilməyiblər də yazıqlar.

    Cavab yaz
  • Anonim
    f · 21 Noyabr 16:4230

    pedofil aile

    Cavab yaz
  • Anonim
    Arzu · 21 Noyabr 16:4850

    Men başa düşə bilmedim. Bunlar nece göbekkesdi ola bilerler. Bunlarin aralarında 9 yaş ferq far. O vaxt göbekkesdi edirlerki ikiside eyni vaxta anadan olsun. Körpelikden.

    Cavab yaz
  • Anonim
    LEYLA♡ · 21 Noyabr 17:1760

    Belə çıxır ki,4 yaşında uşaqı başlarından ediblər ki,götürün ,necə saxlayırsız saxlayın,sonra da evləndirərsiz. Qızın 15 yaşı var,deyir uzun müddətdi bir-birimizi sevirdik) Bu qədər cahillik olar?! "Göbəkkəsdi" iki insanın həyatının məhv olması deməkdir,yeniyetmə yaşlarında evləndirilirlər,hansı ki,insan kimi hələ beyinləri formalaşmayıb,10 ildən sonra dərk edəndə də artıq gec olur,ya boşanırlar ,ya da intihar və s. Ölümlə nəticələnən hallar baş verir.

    Cavab yaz
  • Anonim
    Melek b · 21 Noyabr 18:0462

    Allah ətüzü töksün.göbəkkəsmə qalib indi.millət marsa yol acir

    Cavab yaz
    • Anonim
      Şeytan b · 21 Noyabr 21:1012

      Millət marsa uçur səndə prosta uçursan

      Cavab yaz
  • Anonim
    ### · 21 Noyabr 19:0450

    Kül sizin valideyn başınıza.O yaşda qızı ərə verərlər.Ona bir təhsil, nə bilim nəsə bir sənət ver.İnan ki tez ərə verib başından edirlər ki, evdə çörək yeyenin biri azalsın.

    Cavab yaz
  • Anonim
    !!! · 22 Noyabr 00:5110

    O qədər gözəl adət-ən'ənələrimiz var ki.Onlari yaşadın da,nə olar.Gərək belə axmaq adətə sadiq qalasınız,cahillər?.....

    Cavab yaz
  • Anonim
    ramal · 22 Noyabr 08:5810

    xəstə düşüncəli bədbəxt insanlar

    Cavab yaz
  • Anonim
    ramal · 22 Noyabr 09:0101

    oğlan yanıq, qız yanıq

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.