Ölkə

Şəhid məzarı başında yad edildi - VİDEO

27 Oktyabr 2021 16:06
0 Şərh     Baxış: 561

Bu gün Vətən müharibəsi şəhidi Vüsal Şirinovun anım günüdür

Bu gün Vətən Müharibəsində şəhadətə yüksələn Şirinov Vüsal Novruz oğlunun anım günüdür. 2002-ci ildə Qusarın Ləgərqışlaq kəndində anadan olan Vüsal hələ uşaq yaşlarından vətənpərvərliyi ilə seçilib. hətda kiçik olanda yaxınlarına gün gələcək torpaqları işğaldan azad edəcəyəm deyə söz də verib.

Vətən müharibəsi başlayan zaman hərbi xidmətdə olan Vüsal ilk gündən döyüşlərə qatılıb. Torpaqlarımızın işğaldan azad olunmasında böyük şücaət göstərən gənc qəhrəman Füzuli uğrunda gedən ağır döyüşdə şəhadətə yüksəlib.

Gənc yaşında şəhadəti ilə tarix yazan qəhrəmanla bu gün tək yaxınları deyil, onu tanıyan hər kəs qürur duyur.

Bu gün şəhadətindən bir il ötən şəhid Vüsal Şirinov yaxınları və Qusar rayon icra hakimiyyətinin nümayəndələri tərəfindən məzarı başında yad edildi. Şəhidin məzarı önünə güllər düzüldü, ruhuna dualar oxundu. Qusar rayon icra hakimiyyəti başçısının birinci müavini Şahid Fərəməzov qeyd etdi ki, torpaqlarımızın ərazi bütövlüyü uğrunda gedən mübarizə zamanı 105 nəfər qusarlı şəhid olub. Onlardan 68 nəfəri birinci Qarabağ, 37 nəfəri isə Vətən Müharibəsində şəhadətə yüksəlib. Torpaqlarımızın azadlığı naminə canından keçən qəhrəman şəhidlər hər zaman xalqımızın qəlbində yaşayacaq. Onu da qeyd edək ki, döyüşlərdə göstərdiyi sücaətinə görə, Vüsal Şirinov Vətən uğrunda, Füzuli və Xocavəndin azad olunmasına görə medalları ilə təltif edilib.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.