Ölkə

İstismar müddəti bitmiş binalar nə vaxt SÖKÜLƏCƏK? - VİDEO

26 Oktyabr 2021 13:18
0 Şərh     Baxış: 1 183

Bakının az qala bütün qəsəbələri üzrə gedən geniışmiqyaslı tikinti işləri son illər köhnə, istismar müddəti bitmiş, qəzalı binaların da sökülməsi və onların sayının azalması ilə nəticələnib. Lakin hələ də şəhərimizdə öz istismar dövrünü başa vurmuş və sökülmə növbəsini gözləyən binalar var və belə binaların sayı 100-dən artıqdır. Bəs sovet hakimiyyəti dövründə uzunmüddətli yaşayışa hesablanmayan və bir neçə ildir istismar müddəti bitmiş binalar nə vaxt söküləcək? 

1963-cü ildə istifadəyə verilmiş, "Xruşov" layihəli bu bina kimi şəhərdə 100-dən artıq bina öz istismar dövrünü başa vurub. Elə sakinlər də illər əvvəl tikilmiş bu binaların verdiyi narahatlıqdan şikayət edirlər.

Əmlak məsələləri üzrə ekspert Ramil Osmanlı da təsdiqləyir ki, müəyyən məhdud müddətdə istifadə üçün nəzərdə tutulmuş və hazırda yaşı ən azı 60-ı ötmüş binalar bir çox parametrlərinə görə normal yaşayış standartlarına cavab vermir.

Ekspert deyir ki, istismar dövrünü başa vurmuş belə binaların tikintisində istifadə olunmuş materialların yüksək radioaktivliyi də sakinlərin səhhətinə müəyyən zərərlər vurur. Belə binaların bəziləri hətta qəzalı vəziyyətdə olan binalar siyahısına da düşüb.  

Fövqəladə Hallar Nazirliyindən bildirildi ki, onlar müvafiq icra hakimiyyətlərinin sifarişi ilə binalarda yoxlamalar aparıb, tikilinin vəziyyəti ilə bağlı rəy hazırlayırlar. İstismar dövrü bitmiş binaların qeydiyyatını isə icra hakimiyyətləri aparır. Bakı Şəhər Kommunal Departamentindən isə bildirildi ki, istismar dövrünün bitməsi ilə bağlı müvafiq rəylər aldıqları binaların sayı 100-dən artıqdır və onlarla bağlı Nazirlər Kabinetinə hesabat verilib.

Milli.Az

35 000 AZN-dək krediti ONLAYN sifariş et!

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.