Ölkə

Qəhrəman şəhidimiz Ceyhun Nüsrətli - VİDEO

23 Sentyabr 2021 18:36
0 Şərh     Baxış: 1 142
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Vətən müharibəsində canından keçən qəhrəman hərbçilərimizdən biri də Ceyhun Nüsrətli olub.

Milli.Az Xəzər TV-ə istinadən bildirir ki, Füzuli rayonundan məcburi köçkün olan Ceyhun Nüsrətli 1995-ci il aprelin 8-də Bakıda anadan olub.

İxtisasca kimya müəllimi olan Ceyhun Beyləqanda anası və qardaşı ilə birgə yaşayırdı.

Universiteti bitirəndən sonra, 2019-cu ilin oktyabr çağırışında həqiqi hərbi xidmətə yollanıb, manqa komandiri kimi vəzifəsini icra edib. Müharibə başlananda onun evə dönməsinə cəmi 4 gün qalmışdı. O da döyüş yoldaşlarıyla birgə müharibəyə qatılıb, ön xətdə xidmət edib.

Ceyhun Ağdərə və  Suqovuşan istiqamətində gedən qızğın döyüşlərdə düşmənin canlı qüvvəsini məhv edən qəhrəmanlarımızdandır. O, Suqovuşanın azadlığı uğrunda gedən döyüşlərdə qəhrəmancasına şəhidlik zirvəsinə ucalıb.

Qəhrəman şəhidimiz ölümündən sonra "Vətən uğrunda" medalı ilə təltif edilib.

Mövzu ilə bağlı daha ətraflı videomaterialı təqdim edirik:

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.