Ölkə

Tovuzda su kranlarından lil gəlir - VİDEO

20 Sentyabr 2021 16:52
0 Şərh     Baxış: 399

Tovuzun Aşağı Quşçu kəndinin içməli su ilə təchizatında problem yaşanır.

Milli.Az Xəzər TV-yə istinadən xəbər verir ki, kəndin bəzi hissələrində borulardan çirkli su gəlir.

Bir sıra ərazilərdə isə ümumiyyətlə içməli su yoxdur.

Sakinlər iddia edir ki, bu vəziyyət bir müddətdir davam edir.

Mövcud vəziyyətdən çıxış yolu axtaran sakinlər bəzən özləri su xətlərini təmizlədiklərini deyirlər. Amma bu da çox zaman effektiv olmur.

Məsələ ilə bağlı 8 saylı Tovuz Regional Sukanal İdarəsinin rəisi Darvin Hüseynov bildirib ki, sonuncu güclü yağış və sel Zəyəm çayında olan içməli su şəbəkələrində problemlər yaradıb. Nəticədə  kəndi içməli su ilə təmin edən 530 mm-lik Tovuz xəttinin bir hissəsi zədələnib və şəbəkəyə bulanıq su daxil olub. Hazırda bu istiqamətdə idarənin texnika və canlı qüvvəsi səfərbər edilib. Yaxın günlərdə mövcud problem aradan qaldırılacaq.

Mövzu ilə bağlı daha ətraflı videomaterialı təqdim edirik:

Milli.Az 

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.