Ölkə

Məktəblərdə koronaya yoluxma çoxala bilər - VİDEO

5 Mart 2021 15:54

Baxış: 1 438

VTB-də minimal faiz dərəcəsi ilə nağd kredit 9.9%-dən

#VİDEO

Biz koronavirusa yoluxmanın qarşısını almaq üçün əlimizdən gələni edirik.

Burada vaksinasiya prosesinin aparılması ən vacib məqamlardan biridir. Məktəb kütləvi sahədir və orada yoluxma sayı çox ola bilər.

Milli.Az xəbər verir ki, bunu ARB24-ün "İşgüzar səhər" verilişinə açıqlamasında Bakı Şəhəri üzrə Təhsil İdarəsinin (BŞTİ) müdiri Mehriban Vəliyeva deyib. O bildirib ki, vaksinasiya prosesi müəllimləri bu riskdən xilas edə bilər:

"Koronavirusa qarşı mübarizədə Nazirlər Kabinetinin xüsusi qaydaları var və məktəblərdə bu qaydalara əməl edilir. Buna baxmayaraq, 82 və 106 nömrəli tam orta məktəbdə yoluxma halı qeydə alınmışdı. Belə ki, 82 saylı məktəbdə 2 müəllim və bir neçə şagird yoluxduğu üçün onlar 14 günlük distant təhsilə keçid etmişdilər və artıq dünəndən əyani tədrisə başladılar. Hazırda 106 nömrəli tam orta məktəb isə karantindədir. Düşünürəm ki, onlar da yenidən əyani tədrisə qayıdacaqlar".

M. Vəliyeva onu da qeyd edib ki, bu gün idarənin tabeliyindəki işçilərə də vaksin vurulacaq.

Milli.Az