Ölkə

Bu şəxslərə vaksin vurulması həyatları bahasına başa gələ bilər

18 Fevral 2021 15:52

Baxış: 34 185

#SƏHİYYƏ #KORONAVİRUS

COVİD-19 əleyhinə vaksinlərə qarşı tam dəqiqləşmiş əks-göstərişlər olmasa da ümumi olaraq vaksinlərə qarşı olan əks-göstərişləri koronavirus əleyhinə olan vaksinlərə də şamil edə bilərik".

Bunu Milli.Az-a açıqlamasında həkim-infeksionist Nilufər Məmmədova deyib.

İnfeksionist bildirib ki, əhali arasında aparılan vaksinasiyadan sonra müəyyən nəticələr əldə olunarsa, əks-göstərişlər dəyişdirilə bilər:

"Yaşı 18-dən aşağı olanlar, hamilələr, süd verən analar, poneyximatoz orqan xəstəliklərinin kəskin dövründə olanlar, kimyaterapiya alanlar, onkoloji xəstə olub kimyaterapiya alanlar, bundan əvvəllər vaksinasiya olunarkən anafilaktik reaksiya verən şəxslər, hələ ki, COVİD-19 əleyhinə onlara vaksinin istifadəsi məsləhət görülmür. Ola bilər ki, zamanla vaksinin tərkibi dəyişdirilərsə və ya yeni vaksinlər gələrsə, yaxud geniş bir kütlə üzərində aparılan vaksinasiyadan sonra müəyyən bir nəticələr əldə olunarsa, vaksinə qarşı əks-göstərişlər dəyişdirilə bilər.

Amma daim vurğulamalıyıq ki, yalnız vaksin özbaşına pandemiyanı sonlandırmaq iqtidarında deyil. Pandemiyanın sona çatması üçün vaksinasiya, sosial məsafə, maskaların taxılması, əl gigiyenası və qapalı məkanların tez-tez havalandırılması vacib şərtlərdən biridir. Bunların hamısı birgə tətbiq olunduğu halda pandemiya aradan qalxaraq COVİD-19 virusuna qarşı tək-tək yoluxma halları müşahidə edə bilərik".

Təhməz Əsədov
Milli.Az