Ölkə

“Arzuladım ki, əli-ayağı olmasa da sağ olsun, çiynimdə daşıyım” - VİDEO

20 İyul 2020 18:33
Baxış: 4 990
VTB-də minimal faiz dərəcəsi ilə nağd kredit 10.49%-dən

İyulun 14-də Tovuzda gedən döyüşlərdə qəhrəmancasına şəhid olan gizir İlqar Zeynallı ölümündən 5 gün əvvəl ailə üzvləri ilə birgə ad gününü qeyd edibmiş. O, həmin ərəfədə məzuniyyətə çıxmalı olsa da, gərgin döyüşlərə görə istirahətini təxirə salıb.

Milli.Az xəbər verir ki, bunu qafqazinfo-ya şəhidin ailə üzvləri deyib. Onların sözlərinə görə, 25 yaşlı İlqar döyüşə gedəndə sevdiyi qızla da danışıb. Evinə dönən kimi ona yazacağını söz verib. Amma bu gedişin dönüşü olmayıb...

Şəhidin qardaşı Sənan Zeynallı deyir ki, xəbər ona çatanda İlqarı yaralı görməyi arzulayıb: "Düşündüm ki, kaş yaralı olardı. Əli-ayağı olmayaydı, onu çiynimdə daşıyardım, amma bilərdim ki, canı üstündədir".

İlqarın hərbçi olmasını, bu yolu seçməsini atası Ayaz Zeynalov istəyib. İndi onun yoxluğundan danışmaq Ayaz bəy üçün hər nə qədər çətin olsa da, ata məğrurluğunu itirmir, "Biz vətən üçün övlad böyütmüşük" deyir.

Şəhidin Tovuzun Cəlilli kəndindəki evindən hazırladığımız videreportajı təqdim edirik:

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.