Ölkə

"Ramil Səfərov barəsində verilən əfv fərmanı beynəlxlaq hüquqi razılaşmadan irəli gəlir"

31 May 2020 14:58
Baxış: 1 252
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ramil Səfərov barəsində verilən əfv fərmanı beynəlxlaq hüquqi razılaşmadan irəli gəlir.

Milli.Az Trend-ə istinadən xəbər verir ki, bunu Milli Məclisin Hüquq siyasəti və dövlət quruculuğu komitəsinin üzvü Nizami Səfərov parlamentin bu gün keçirilən plenar iclasında deyib.

Onun sözlərinə görə, Avropa İnsan Hüquqları Məhkəməsi qərarının çıxarılması təsadüfi xarakter daşımır və ona hazırlıq uzun illər əvvəl başlayıb:

"Faktiki olaraq Ramil Səfərovun məsələsinə dair Avropa Parlamentinin 13 sentyabr 2002-ci il və AŞPA-nın "Məhkum olunmuş şəxslərin verilməsi haqqında" Konvensiyadan sui-istifadə hallarının qarşısının alınması üçün tədbirlər haqqında 18 noyabr 2014-cü il tarixli qərəzli qətnamələri məhkəmənin bu işdə bir sıra cəhətlərə görə Avropa İnsan Hüquqları Müdafiəsi Sistemindən Avropa İnsan Hüquqları Məhkəməsi presedent hüququndan kənara çıxan qərarının verilməsinə yaşıl işıq yandırıb".

Deputat bildirib ki, Azərbaycan Avropa Konvensiyasına qoşulan zaman "Beynəlxalq müqavilələr hüququ haqqında" 23 may 1969-cu il tarixli Vyana Konvensiyasının 19-cu maddəsinin tələblərinə uyğun olaraq 12-ci maddəyə dair qeyd-şərtlə çıxış edib:

"Həmin qeyd-şərtə əsasən, Azərbaycandan məhkum olunan şəxs barəsində verilən əfv və amnistiya qərarı Azərbaycanın müvafiq səlahiyyətli orqanları ilə razılaşdırılmalıdır. Konvensial maddə ilə belə bir qeyd-şərt Macarıstan tərəfindən edilməyib. Bununla bağlı tam məsuliyyətlə qeyd edə bilərəm ki, Azərbaycanın Konstitusiyasının 109-cu maddəsinin 22-ci bəndindən irəli gələrək 31 avqust 2012-ci il ildə cənab Prezident tərəfindən Ramil Səfərov barəsində verilən əfv fərmanı birmənalı olaraq beynəlxalq hüquqi razılaşmadan irəli gəlir və dövlətimizin öz üzərinə götürdüyü öhdəliklərin hüquqi çərçivəsindədir".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.