Ölkə

Tərtərdə işgəncə görən uşaq onkoloji xəstə imiş: Ana dağ basdıqca nənə deyirmiş ki, kabab iyi gəlir

14 Fevral 2020 17:34
3 Şərh     Baxış: 4 032

Anasının kabab şişi ilə dağladığı doqquz yaşlı T. onkoloji xəstə imiş.

Milli.Az baku.ws-ə istinadən xəbər verir ki, "Səni axtarıram" proqramına gələn ata oğlunun başına gələnləri belə şərh edib:

"Üç gündən sonra uşaq mənə zəng vurdu ki, dədə, məni yandırırlar. Getdim, baxdım, dəhşətə gəldim. Dedim, bu nədir, etmisiniz? Bunu düşmən balasına etməzlər. Uşağın bədənindən, dağ basılan yaralardan irin axırdı. Ana uşağa dağ basanda nənəsi də deyirmiş ki, qara ciyər kababının iyi gəlir. Uşağın mənə dediyini deyirəm".

Ata doqquz yaşlı oğlunun onkoloji xəstə olduğunu bildirib:

"Biz 10 aydır, ayrı yaşayırıq. Ümumiyyətlə, 10 ildir evlənmişik, 10 ildə bir il bərabər yaşamamışıq. Hər dəfə bir bəhanə ilə küsüb, anasının evinə gedib. Oğlum mənim yanımda qalırdı, qızım isə anasında. Oğlum onkoloji xəstədir. Anası iynə vura bilir, iynələrini vurmaq üçün anasının yanına göndərmişdim". 

Xatırladaq ki, Tərtər rayonunda ana azyaşlı övladını işgəncə məqsədilə yandırıb. Azadqaraqoyunlu kənd sakini Könül Bəhlul qızı Dünyamalıyeva yaşadığı evdə himayəsində olan oğlu, 2011-ci il təvəllüdlü Dünyamalızadə Telman Rafiq oğlunu nadinclik etdiyi üçün cəzalandırıb.

Qadın şişi qaz sobasında qızdıraraq azyaşlının bud, çanaq, qol və əlinə basıb. Hadisədən xəbər tutan uşağın atası R.Dünyamalıyevin şikayətindən sonra Tərtər Rayon Prokurorluğunda Cinayət Məcəlləsinin 133.2.4-cü (yetkinlik yaşına çatmayan şəxsə qarşı işgəncə vermə) maddəsilə cinayət işi başlanıb.

Məlumat üçün bildiririk ki, ailə münaqişəlidir, Dünyamalıyeva Könül (ana) və Dünyamalıyev Rafiq (ata) ayrı yaşayırlar. Araşdırmalar zamanı məlum olub ki, Dünyamalıyeva Könül Laçın rayon sakini Dünyamalıyev Rafiqlə ailəli olub.

Ailə münaqişəsi zəminində himayədarlar arasında yaranan problemlər nəticəsində qadın digər azyaşlı övladı ilə anasının himayəsinə sığınıb. Hər iki tərəf bir-birini qarşılıqlı ittiham edir. Eyni zamanda, nümayəndə heyəti Rafiq Dünyamalıyevin evində səfərdə olub.

Hazırda övladının bədənində heç bir işgəncə yeri yoxdur. 

Milli.Az

loading...

Şərh yaz:

3 Şərh:

  • Anonim
    SEVİL · 14 Fevral 17:5732

    İndi bir nəticəyə gəlin,bu anası ölmüşə işgəncə verilib yoxsa yox..

    Cavab yaz
  • Anonim
    Mars · 14 Fevral 23:4012

    Necə də qəddar, alçaq qadındır! Onun anası da belə vəhşi olduğu üçün qızının da belə olması təəccüblü deyil. Atanın qanmazlığı da adamı heyrətə gətirir. Xərçəng xəstəsi olan oğlunu iynə vura bildiyinə görə bu vəhşi qadının qabağına atıb. Xərçəngi evdə vurulan iynə ilə müalicə etmək olarmı? Dünyada ən qəddar və şüursuz xalqlar türklər və bizik.

    Cavab yaz
    • Anonim
      Aylin 20125 · 16 Fevral 12:3602

      Heç kim o evin içərisində yaşamadığı üçün olanları dəqiq bilmir. Mən qəti surətdə istər uşağa, istərsədə qadına şiddətin əleyhinəyəm. Amma, hamı olduğu kimi deyil, çıxarlari üçün danışır. Mən nə o atanı nə də o ananı normal valideyin hesab etmirəm Amma, nə bu ailə nə də buna bənzər bir neçə ailə..nə türk nə də Azərbaycan adinın təmsilçisi ola bilməz.

      Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.