Ölkə

Bu marşrut avtobuslarının hərəkət sxemi dəyişdirilib

23 Yanvar 2020 15:51

0 Şərh Baxış: 3 264

VTB-də minimal faiz dərəcəsi ilə nağd kredit 10.49%-dən

#BAKI #NƏQLİYYAT

Daxil olan vətəndaş müraciətləri nəzərə alınaraq, 3 müntəzəm marşrut xətti üzrə avtobusların hərəkət sxemində dəyişiklik edilib.

Bakı Nəqliyyat Agentliyindən Milli.Az-a verilən məlumata görə, 117 nömrəli müntəzəm marşrut xətti üzrə edilən dəyişikliyə əsasən, avtobuslar Salyan şosesindən keçməklə "Lökbatan" Nəqliyyat Mübadilə Mərkəzinə hərəkət edəcəklər. "Binə" və "Sədərək" ticarət mərkəzlərini birləşdirən yolun vəziyyəti qənaətbəxş olmadığından avtobusların burdan keçməsi çətinliklər yaradırdı. Bu hal sərnişinlərin də ciddi narahatlığına səbəb olurdu.

185 nömrəli müntəzəm marşrut xətti üzrə edilən dəyişikliyə əsasən isə avtobuslar Yusif Vəliyev - Dadaş Vasif - İsrafil Məmmədov küçələrindən keçməklə hərəkət edəcək.

206 nömrəli müntəzəm marşrut xətti üzrə avtobusların hərəkət sxemi də dəyişdirilib. Dəyişikliyə əsasən, bu xətt üzrə avtobuslar Lökbatan qəsəbəsi "Təzə evlər" adlanan əraziyədək hərəkət edəcək. Bu isə həmin ərazidə yaşayan sakinlərin "Elmlər Akademiyası" metro stansiyası istiqamətində rahat gediş-gəlişinin təmin edilməsinə imkan verəcək.

Qeyd edilən dəyişikliklər 25.01.2020-ci il tarixindən tətbiq olunacaq.

Milli.Az