Ölkə

ETSN: Badamdar yolundakı sürüşmə prosesi tam başa çatmayıb

13 Yanvar 2020 11:01
1 Şərh     Baxış: 1 311
VTB-də minimal faiz dərəcəsi ilə nağd kredit 9.9%-dən
#SÜRÜŞMƏ

Badamdar və 20-ci sahə arasında olan magistral avtomobil yolunun sağ yamacındakı sürüşmə prosesi tam başa çatmayıb.

Milli.Az bildirir ki, bunu Trend-ə Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin Geoloji Planlama Ekspedisiyasının rəisi Əziz Qaralov bildirib.

Onun sözlərinə görə, yanvarın 9-da Badamdar və 20-ci sahə arasında olan magistral avtomobil yolunun sağ yamacındakı sürüşmə ərazisində baş verən sürüşmə 2018-ci ildə baş verən sürüşmə kütləsinin üzərində müşahidə edilib.

Hazırda həmin sürüşmə ərazisində gərginliyin qaldığını deyən Ə.Qaralov qeyd edib ki, aktivlik qalmaqdadır: "Yəni proses tam başa çatmayıb. Son günlər ərzində yağac yağışlarla əlaqədar sürüşmə kütləsinin üzərində olan, asılı vəziyyətdə qalan torpaq kütlələrində uçqunlar, tökülmələr baş verir".

Ə.Qaralov hazırda sürüşmə ərazisində nazirliyin mütəxəssisləri tərəfindən geoloji araşdırmaların aparıldığını söyləyib.

Xatırladaq ki, Səbail rayonu, Badamdar qəsəbəsində, Badamdar şossesi ərazisində torpaq qatı yenidən sürüşüb. Torpaq sürüşməsinin eni 80, uzunluğu isə təxminən 100 metri əhatə edib. Hadisə nəticəsində Badamdar qəsəbəsindən "20-ci sahə" istiqamətində yol bağlanıb. Ərazidə ilk sürüşmə faktı 2018-ci il oktyabrın 12-də baş vermişdi.

Milli.Az

 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.