Ölkə

Bakıdakı qatı dumanın səbəbləri açıqlandı

19 Dekabr 2019 10:41

0 Şərh Baxış: 2 932

VTB-də minimal faiz dərəcəsi ilə nağd kredit 10.49%-dən

#HAVA #BAKI

Ekologiya və Təbii Sərvətlər Nazirliyi Bakıda müşahidə olunan qatı dumanın səbəblərini açıqlayıb.

Milli Hidrometeorologiya Departamentinin direktoru Umayra Tağıyeva Milli.Az-a bildirib ki, hazırda müşahidə olunan duman gözlənilən sinoptik hadisədir, meteoroloji dumandır:

"Bir neçə gündür ki, ölkəmizdə dekabr ayı üçün anomal hava şəraiti müşahidə edilir və temperatur rejimi çoxillik normadan 4-5 dərəcə yüksəkdir. Bu duman havanın rütubətliyinin artması və temperatur inversiyası, yəni yer səthindən yuxarı qalxdıqca temperaturun azalması yerinə artması şəraitində yaranan meteoroloji hadisədir.

Belə duman Abşeron yarımadasında əvvəlcə dəniz üzərində yaranır və dənizdən olan zəif kükəklərlə quruya doğru yayılır. Adətən günorta saatlarında seyrəlir, lakin qışda nisbətən uzun müddət qala bilir.

Hazırda müşahidə edilən zəif cənub-şərq küləyinin sabah şimal küləyi ilə əvəz olunacaq və nəticədə duman ehtimalı azalır".

U.Tağıyeva bildirib ki, əhali narahat olmasın müşahidə olunan duman smoq deyil.

Milli.Az