Ölkə

Yağ adı altında yediyimiz kimyəvi qatqılar: Yağ alarkən necə aldadılırıq? - VİDEO - FOTO

9 Dekabr 2019 18:39
5 Şərh     Baxış: 3 740

Marketlərdə hansı adda istəsən, mənşəyi bilinməyən duru yağlar satışdadır. Qiyməti də 1 litri 2-3 manat. Bu yağın ucuzluğu sözsüz ki, müştəriləri cəlb etməyə bilməz. Ancaq sual yaranır ki, keyfiyyəti necədir?

Milli.Az xəbər verir ki, mələsə ilə bağlı ARB TV-nin "Günə Doğru" proqramında geniş süjet yayımlanıb.

Eyyub Hüseynov - AİB sədri: "Adətən əmtəə bazarına çox yaxşı bir brend kimi girirlər. İstehlakçının necə deyərlər simpatiyasını qazanırlar. Sonra onun saxta variantlarını distribütorlar özləri gətirirlər. Neçə illərdir biz bunu müşahidə edirik. Azad istehlakçılar birliyinin təsiri ilə bəzi yağlar hətta satışdan çıxarılıb artıq. Ərəb əmirliklərindən gətirilən".

Sakin: "1 kq günəbaxanı əkmək üçün xeyli miqdarda əkin sahəsi lazımdır. Bəs onun bazarda kilosu neçəyədir? Neçə kiloqramdan 1 litr yağ almaq olar? Şübhəlidir ki, o günə baxan yağı deyil".

İsa Əliyev - Qida mühəndisi: "Çox ucuz qiymətə yağlar satılır ki, onların mənşəyi heç bir şəkildə bəlli deyil.  Adını qoyurlar günəbaxan yağı və yaxud da qarğıdalı yağı, amma içində soya yağı var, palma yağı var və yaxud da pambıq yağı var. Bu bitkisəl yağlar günəbaxan, qarğıdalı yağından daha az qida dəyəri olan yağlardır".

Mövzu ilə bağlı sözügedən yağların satışını həyata keçirən supermarketlərin nümayəndələri danışmaq istəmədilər. Ona görə də, əsasən Rusiya və Türkiyə istehsalı olan bu yağların idxalçı şirkətlərini axtarmaq qərarına gəldik.

Eyyub Hüseynov - AİB sədri: "2 il öncə Rusiyadan idxal olunan yağın ekspertizasını keçirtdik. Məlum oldu ki, o heç də üzərində yazıldığı kimi qarğıdalı yağı deyil. Digər yağların qarışığıdır. Bir sözlə yağ bazarı həddindən artıq çirklənmiş bir bazardır. İstehlakçının əlbəttə hüquqları pozulur".

İsa Əliyev - Qida mühəndisi:  "Ekonomik seqmentə necə hakim olma müharibələri gedir. Yəni daha ucuz malı mən bazara daxil edəcəm, o məhsula günəbaxan yağının aromasını vuracam, qarğıdalı yağının aromasını vuracam. Biraz rəngləndirəcəm, orijinalına yaxın gösərəcəm və insanlara daha ucuz yağ satacam".

Ucuz ətin şorbası olmadığı kimi, ucuz yağın da keyfiyyətinə əsaslı şübhələr var. Amma yenə də seçim alıcılarındır...

Milli.Az 

Məqaləyə dair fotomateriallar:

loading...

Şərh yaz:

5 Şərh:

  • Anonim
    Aa · 9 Dekabr 2019 18:46140

    Allah bəlanızı versin,bizi belə öldürürlər

    Cavab yaz
  • Anonim
    VƏTƏNDAŞ · 9 Dekabr 2019 18:47160

    DEYİRİK Kİ YAĞ SAXTA OLA BİLƏR TƏMİZ DEYİL---AMMA VƏTƏNDAŞ YOX SƏLAHİYYƏTLİ ORQANLAR TƏDBİR GÖRMƏLİDİR--MİSAL ÜCÜN QİDA TƏHLÜKƏSİZLİYİ TƏŞKİLATI.

    Cavab yaz
  • Anonim
    Esra Ibrahimli(Samaxi) · 9 Dekabr 2019 19:2990

    Guya o biri yediylerimizin menseyin bilirdik qaldi yaq Kecen defe toyuqun bioqrafiyasin hammi oxududa yazilmisdi bisirin sonra o qazani eslaaaaaa istifade etmiyin haaaa.Mohkem mohkemmm tapsirmisdilarrr.Men şexsen o hadiseden sonra yalan olmasin bir 10 defe toyuq qizartib yemisem qazani da tullamamisam yoxsa 10 dene qazan tullamak olarrr:))) Onu baqislamak olarmi filminden-İndi siz deyin kimdi muqessir muharibeler yoxsa ne bilim neler Siz deyin : Onlari baqislanmk olarmiii????(((

    Cavab yaz
  • Anonim
    ALEKS❤ · 9 Dekabr 2019 20:3460

    Sonra da deyirlər quyuya düşmüş xərçəng xəstəliyi artıb....bu insanları kütləvi şəkildə xəstə edib gəlir əldə etməkdən başqa bir şey deyil.neçə ildi bizdə zeytun yağı işlədirik.rivera tipli.özüm şəxsən ,,Tuz ruhu,,və digər üsullarla yoxlayıb təmizliyinə əmin olmuşam.günəbaxan yağını ildə 5-10litrlik alıram müəyyən şeylər üçün.səhər yeməyində də ən bahalı kərə yağı(amma yenə şübhəm var,çünki görürsənki hərdən əvvəlki tamı vermir).sizlərədə,az olsun təmiz olsun deyərək zeytun,quyruq,təmiz nəhrə.....yağlarından istifadə etməyi tövsiyə edirəm.sağlam həyat diləyi ilə ALEKS@

    Cavab yaz
  • Anonim
    Vətənpərvər · 10 Dekabr 2019 08:3330

    Görəsən bununla bağlı Qida Təhlükəsizliyi Agentliyinin məlumatı var?

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.