Ölkə

Əbülfəz Qarayev: "Yaradıcılıq potensialına qoyulan sərmayə hansısa meyarlarla ölçülməməlidi"

9 Dekabr 2019 12:01
0 Şərh     Baxış: 403

"Mədəniyyətə, insan zehninə, onun yaradıcılıq potensialına qoyulan sərmayə hansısa vaxt və meyarlarla ölçülməməlidir, bunlar fərqləndirilməlidir".

Milli.Az Trend-ə istinadən xəbər verir ki, bunu "Yaradıcı sənayelər: dayanıqlı inkişaf və məşğulluq üçün yeni imkanlar" Nazirlər panelində çıxış edən Mədəniyyət naziri Əbülfəs Qarayev bildirib.

Onun sözlərinə görə, bu gün hansısa istehsalata qoyulan sərmayə müəyyən vaxtda mütləq geri qayıdır:

"100 min uşaq rəsm əsəri yaratmağa başlayır, dərnəklərə gedir, dövlət onları dəstəkləyir. Lakin onların arasından 1 və ya 10 nəfər Tahir Salahov kimi insanlar çıxır. Tahir Salahovun yaratdığı əsərlərin Azərbaycan cəmiyyətinə, tarixinə, tanıdılmasına təsiri baxımından qoyulan sərmayələr hansı vahidlərlə ölçülə bilər? Ona görə burada çox ciddi ikitərəfli proses getməlidir. Bir proses odur ki, dövlət, cəmiyyət şərait yaratmalıdır ki, insanlar yaradıcılıqla məşğul olsunlar. Gəlir isə istehsal məsələsidir. Sözsüz ki, burada yeni meyarlar, ölçülər olmalıdır".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.