Ölkə

Bakıda maraqla qarşılanan kitab köşkünü kim sökdü? - Açıqlama

19 Oktyabr 2019 12:23
4 Şərh     Baxış: 1 357

Bakı Şəhər İcra Hakimiyyəti paytaxtda quraşdırılan kitab köşkünün sökülməsinə aydınlıq gətirib.

Milli.Az qafqazinfo-ya istinadən xəbər verir ki, bir neçə gün öncə şəhərin mərkəzində kitab oxumaq üçün "Kitab dayanacağı" adlı köşk quraşdırılıb və içində müxtəlif kitablar yerləşdirilib. Köşk dünən axşam saatlarında sökülüb. 

Məlumata görə, həmin köşk SOCAR əməkdaşları tərəfindən quraşdırılıb və üzərində dövlət neft şirkətinin loqosu da olub. 

SOCAR-ın mətbuat katibi İbrahim Əhmədov qafqazinfo-ya açıqlamasında bildirib ki, qurum əməkdaşlarının da üzvü olduğu ictimai birlik bir müddət əvvəl belə təklif irəli sürübmüş: "Onlar SOCAR-a məxsus ərazilərdə kitab köşklərinin quraşdırılmasını təklif etmişdilər. Həmin vaxt bu təklif razılaşdırma mərhələsində idi. Lakin bu köşklərin quraşdırılmasını SOCAR maliyyələşdirmir. Həmin ictimai birlik həyata keçirəcəkdi. Sözügedən köşkün quraşdırılması və sökülməsindən isə məlumatım yoxdur".

İcra Hakimiyyətinin Ticarət və Xidmət Departamentindən qafqazinfo-ya verilən açıqlamaya görə, məqsədindən asılı olmayaraq istənilən halda şəhərin mərkəzində hər hansı köşk quraşdırılması üçün müvafiq qurumların icazəsi olmalıdır.

Milli.Az

Məqaləyə dair fotomateriallar:

loading...

Şərh yaz:

4 Şərh:

  • Anonim
    mn · 19 Oktyabr 13:1060

    mənim ağlıma helə quraşdırılanda gəldi ki uzunömürlü olmayacaq.kafe,bar olsaydı sökməzdilər

    Cavab yaz
  • Anonim
    Leyla · 19 Oktyabr 13:2440

    Hansisa pozgunun lut sekli olsaydi yaxsi qoruyardiniz amma.sokulmeye qoymazdiniz

    Cavab yaz
  • Anonim
    Kkk · 19 Oktyabr 15:5510

    Düz edirsizzz(((: ((( neye lazımdı kitabbb :((( genclerimize yalnız restoran bar lazımdır :((( kitab oxusalar günah olar qoy başları yeyib içmeye qarışsın

    Cavab yaz
  • Anonim
    ƏSİ. · 19 Oktyabr 16:2400

    Kimlərəsə sərf eləmir.Bir yerdən də mənfəət güdməsələr dünya dağılar axı...

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.