Ölkə

Kafedə kişini öldürən şəxs məcbur qalıb polisə təslim oldu - YENİLƏNİB

4 Sentyabr 2019 17:56

1 Şərh Baxış: 3 892

VTB-də minimal faiz dərəcəsi ilə nağd kredit 9.9%-dən

#KRİMİNAL #QƏTL

17:56

Ötən gün günorta saatlarında kafedə Saatlı sakinini bıçaqlayan şəxs saxlanılıb.

Milli.Az bildirir ki, bu haqda oxu.az-a Binəqədi Rayon Polis İdarəsindən bildirilib.

Cinayətkar Gürcüstan vətəndaşı İsmayılov Turxan İlham oğlu dindirmə zamanı günahı öldürülən şəxsdə görüb.

Xatırladaq ki, sentyabrın 3-də Bakıda, Mirmahmud Kazımovski küçəsi, 8 ünvanında yerləşən kafedə Saatlı rayon sakini, 43 yaşlı İsgəndərov Əflan Suvarağa oğlu qarın nahiyəsindən bıçaqlanaraq qətlə yetirilib.

Şübhəli şəxs bu gün 7-ci Polis bölməsinin əməkdaşları tərəfindən saxlanılıb.

Daha doğrusu, qohumlarına polisdən zəng gələndən sonra cinayətkar gizlənməyin mənasız olduğunu anlayaraq, özü polisə təslim olub.

Məlum olub ki, qətl 12 santimetr uzunluğu olan ov bıçağı ilə törədilib.

Saxlanan şəxsin sözlərinə görə, Ə.İsgəndərov onun yanında telefonla danışarkən söyüş söyüb və bu, T.İsmayılovun qəzəbinə səbəb olub. Onun Ə.İsgəndərovu ədəbli davranmağa vadar etmək cəhdi uğursuz olub və kişilər arasında ölümlə nəticələnən münaqişə yaranıb.

Faktla bağlı araşdırma davam edir.

----------
09:17

Bakıda çay evində qətl törədib.

Milli.Az Trend-ə istinadən xəbər verir ki, hadisə paytaxtın Binəqədi rayonunda baş verib.

Abşeron rayonu, Xırdalan şəhərində kirayədə yaşayan İsgəndərov Əfqan Suvarağa oğlu paytaxtın Binəqədi rayonu, 6-cı mikrorayon, Mirmahmud Kazımovski küçəsi 112 b ünvanında yerləşən "Dəfnə" çay evində taksi sürücüsü tərəfindən bıçaqlanıb.

Ə.İsgəndərov təcili yardım briqadası ilə Kliniki Tibbi Mərkəzə çatdırılsa da, orada dünyasını dəyişib.

Faktla bağlı Binəqədi Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Milli.Az