Ölkə

Bu kafelərdə sadə çay içənlərə PİS BAXIRLAR - VİDEO - FOTO

21 Avqust 2019 12:44
9 Şərh     Baxış: 3 241

Milli.Az ARB-TV-nin hazırladığı Bakı bulvarındakı kafelərdə çay içmək istəyən insanların qarşılaşdığı mənzərəni oxucularına təqdim edir:

Azərbaycanlı olasan və çaydan məhrum qalasan. Məkanımız Bakı bulvarıdı. Çay içmək istəyən onlarla insan və hər yerdə eşitdikləri eyni cavab: bizdə sadə çay verilmir. Bəli, bu kafe-restoranlarda verilən çay sadə deyil. Burada verilən çayın rəqqasəsi, masajçısı, xidmətçisi var. Təklif edilən çayın qiymətini eşitdikdə insanda təxminən bu fikir yaranır yəni.

Sakin: "2 manat cibimizdə pul olur sadə çay istəyirik, vermirlər. Deyirlər sadə çay 5 manatdı, əgər mürəbbə ilə istəyirsənsə, 10 manat".

Sakin: "Ümumiyyətlə burada adi çay vermirlər, bir dənə çay içmək istəyirsənsə dəstgahla içməlisən".

Sakin: "Qonaq gəlmişik. Girdik kafelərdən birinə, bizə çay vermədiklər. Təklif elədilər ki, ya yemək yeməlisiz, ya da podnisdə 50 cür mürəbbə gətirmişdi ondan çay dəstgahından. Biz istəmədik, çay davermədilər".

Ən zəif çay dəstgahının qiyməti 10 manatdan başlayır, 25-30 manata qədər yüksəlir. Müştəri kimi görüb yaxınlaşan əməkdaş sadə çay istədiyini anladıqda üz ifadəsi dəyişir və sən də özünü ucuz müştəri gözündə görüb kənarlaşırsan. Soruşan da ki, niyə sadə çay verilmir, aldığın cavab da maraqlı olur. 

Kafe admistrator: "Normalda biz axşam tərəfi sadə çay vermirik. Çünki masalarımızın sayı az qalır. Canlı musiqimiz olur. Axşam vaxtı gəlir 5-6 nəfər qaqaş oturur. Deyir qardaş mənə 3 manatlıq çay ver. Sərf eləmir açığı. Mən bu boyda külfət işlədirəm. Mənim çox rasxodum var. Ofsiantların, aşbazların maaşı.... Həm gedin baxın hansı kafedə 5-6 nəfərə sadə çay verilər? Heçkim vermir, çünki sərf eləmir. 2 nəfər gəlsin verək. Amma 5-6 nəfər oturur əxlaqsız hərəkətlər edir, o da bizi narahat edir. Müdriyyətlə danışmışıq ki, mümkün qədər axşam kişilərə ümumiyyətlə sadə çay verməyək".

Bəli, Bakı bulvarında təxmini mənzərə belədi. Sadə çay deyəndə obyektiv və ya subyektiv səbəblərdən sənə əlavə yer zəbt eləmiş biri kimi baxırlar.

Mütəxəssislər isə başqa fikirdədir. Yerli vətəndaş, xarici qonaq, qadın, kişi, fərq etmir. İctimai iaşə obyekti müştərinin kimliyindən asılı olmayaraq xidməti tam şəkildə göstərməlidi. Əgər hər hansı müştəri digərlərinin istirahətinə mane olursa bunun qarşısı başqa yollarla alınmalıdı. Yəni, necə deyərlər, qurunun oduna yaşı da yandırmaq olmaz. Bu vəziyyət nəticədə bu cür obyektlərin əslində müştəri itirməsinə, turistlərdə mənfi fikir formalaşdırmasına və ən əsası istehlakçı hüquqlarının pozulmasına gətirib çıxarır.

Müzəffər Ağakərimov - Turizm Assosiasiyası sədrinin müşaviri: "Çayxanalarda turistlərin qəbulunda çatışmamazlıqlar var, nöqsanlar var. Bu nöqsanlar ondan ibarətdir ki, onlar çayxanalara gələndə onlara çay dəstgahı adı ilə 20-30, bəzəndə daha yüksək qiymətlərlə onlara xidmət göstərirlər. Bu məsələ artıq uzun illərdir ki, gündəmdədir. Bu tək turistlərlə bağlı deyil. İctimai iaşə müəssisələri xidmət səviyyəsini qaldırmaqla süni qiymət artımına yol verməməlidirlər".

Dənizkənarı Bulvar İdarəsindən isə bildirildi ki, milli parkın ərazisində fəaliyyyət göstərən obyektlər əslində ayrı-ayrı sahibkarlara məxsusdur və idarə həmin şəxslərin qiymət siyasətinə birbaşa müdaxilə etmək səlahiyyətində deyil. Qurumun mətbuat xidmətinin rəhbəri Günay Yelmarqızının sözlərinə görə, bulvar idarəsi sadəcə icarədarlara insanları narazı sala biləcək məqamlara yol verməməyi tövsiyyə edə bilər. Onu da deyək ki, danışılan vəziyyətin yeganə məkanı bulvar ərazisi deyil. Tarqovı kimi tanıdığımız Nizami küçəsi və bənzər məkanlarda da eyni cavabla qarşılaşa bilərsiniz: sadə çay verilmir.

Milli.Az

Məqaləyə dair fotomateriallar:

loading...

Şərh yaz:

9 Şərh:

  • Anonim
    Sahin · 21 Avqust 12:5970

    CAYI 50 qepiye verin, olenlerinize rehmet oxuyaq)

    Cavab yaz
  • Anonim
    Oxucu · 21 Avqust 13:0661

    Azərbaycan çay ölkəsidir, yerli quru çay ən uzuc qiymətə satılmalıdır. Su da ki krantdan axır, çaydana doldurub qaynadırlar. Çayxana xərclərinin maya dəyəri çox deyil, deməli çayı da uzuc qiymətə satmalıdırlar

    Cavab yaz
  • Anonim
    Tecrübeli · 21 Avqust 13:45611

    88 ci ile qeder bakida prapiskası olmayana iş bele vermirdiler. O kafe müdürü düz eleyir. KENTDE qaloşunu çıxaran bakıdadı.

    Cavab yaz
    • Anonim
      BAXA · 21 Avqust 14:5862

      O QALOSHLA SENİN AGZİNA AGZİNA VURMAGİM GELDİ, HEC KİMİ TEHQİR ETMEYE İXTİYARİNİZ YOXDU!!!!!!!

      Cavab yaz
  • Anonim
    ilqar · 21 Avqust 14:2050

    adicə Qaraçuxurda yeni açılılışı olan Neftçilər parkında sahibkarlar xod gedir, günorta çağı yerlər boş, amma sadə çay vermirik, dedim bəd dəsgah neçəyədi, dedi 5 azn, dəsgahda elə çaynik çay limon və plitka var idi, dedim budu suzun 5 aznlik dəsgah dedi bəli, buna ciddi yanaşan dövlət qurumları lazımdıki, camaata park açıblar amma sadə camaat üçün deyil.

    Cavab yaz
  • Anonim
    yerli · 21 Avqust 14:21120

    bizde neinki sade cay icenlere ele sade toy nisan edenlere sade cehiz verenlere toylarda yaslarda sade yemek verenlere sade qir qizil verenlere sade geyinenlere sade heyat surenlere de pis baxirlar.

    Cavab yaz
  • Anonim
    Vetendas · 21 Avqust 14:3140

    Antiinhisar ve istehlak bazarina nezaret dovlet agentliyi var, iqtisadi inkishaf nazirliyi var. Bu qurumlar iashe obyektlerine birbasha nezaret etmeli ve onlarin qoydugu qiymetleri tenzimlemelidi. Yoxlamalar, reydler kecirilmelidi. Ondan sonra gorun onlarin on manatliq cayi 2 - 3 manat olur ya yox.

    Cavab yaz
  • Anonim
    Əli · 21 Avqust 14:3850

    Guya camaatın qaydına qalıb bu xəbəri verirlər. Satıcıda günah yoxdur. Tək ofisiantla xadiməyə yox, həmçinin xeyli icra strukturları var ki, hamısı rüşvət tələb edirlər.

    Cavab yaz
  • Anonim
    turist · 21 Avqust 15:1920

    Biabırçlıqdır. Burada iki mövzü görünür: həddindən artıq yüksək qiymət və o birisi - tərbiyyə, mədəniyyət.Bunlar ayrı ayrılıqda öz həllərini tapmalıdır. Kafe müdirinin dediyi təcrübəsinə görə qiyməti qaldırmaqla onlar daha çox mədəni insanların ora gəlmələrinə nail olurlar amma bu ölkənin ümumi problemidir və mübarzə üsulları fərqli olmalıdır..Burada kimsə bir günə varlanmaq istəyir və doymur. Çox maraqlıdır, əgər bir (təbii həmişə Azərbaycan xalqın maraqlarını üstün tutan) nəfər o ərazidən kənarda üçuz və mədəni bir çayxanın açılmasına doğru bir addım atsa ona icazə verərlər ya yox?? Və bu ucuz çayxanaya həmçinin o bahalı çayxanadan qovulan müstərilərin (siyahısı hazırlanmış müəyyən etik qaydalara öncə nəzarət etmək şərti ilə) əksəriyyəti gələ bilərdi. Qaydanı pozdun - əvvəl xəbərdarlıq edirlər, sonra "xahiş" edirlər..və s. Əgər dövlətə vergi gedirsə onda müəyyən çevik polis nəzarəti də lazımı halda yerində ola bilər, onsuz da orada polis işçilər çoxdur.Bulvar, ölkə ancaq varlılara xidmət etməlidir?

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.