Ölkə

Bu yay küləkli günlərin sayı çoxalıb - İnstitut

24 İyul 2019 12:00
3 Şərh     Baxış: 2 770

Bu yay küləyin sürəti və intensivliyi daha çox müşahidə edilir.

Milli.Az xəbər verir ki, bunu Trend-ə Azərbaycan Milli Elmlər Akademiyasının (AMEA) Coğrafiya İnstitutunun direktor müavini, coğrafiya üzrə fəlsəfə doktoru Məhərrəm Həsənov deyib.

M.Həsənovun sözlərinə görə, hazırda müşahidə edilən temperatur iqlim normasından 1-2 dərəcə çoxdur:

"İstilik baxımından hazırkı temperatur iyul üçün xarakterikdir. Amma belə güclü küləyin əsməsi noyabr-dekabr ayları üçün səciyyəvidir. Adətən, noyabr-dekabr aylarında temperaturun aşağı düşməsi şərti ilə belə güclü şimal küləyi əsir. Hazırda da Bakı və Abşeron yarımadasında şimal, şimal-qərb küləyi əsir".

M.Həsənov güclü küləyin daha çox Bakıda və Abşeron yarımadasında əsdiyini, lakin rayonlarda da hava şəraitinin sərin olduğunu vurğulayıb.

İnstitut direktorunun müavini əlavə edib ki, ümumilikdə əvvəlki yay ayları ilə müqayisədə bu yay küləyin sürətinin və intensivliyinin daha çox olması müşahidə edilir.

Qeyd edək ki, iyulun 22-dən Bakıda və Abşeron yarımadasında güclü şimal-qərb küləyi əsir. Külək Binəqədidə 2 ağacı kökündən çıxarıb.

Milli.Az

loading...

Şərh yaz:

3 Şərh:

  • Anonim
    Zəhra · 24 İyul 12:1611

    Bezdim bu həyatdan bu küləyə görə.

    Cavab yaz
  • Anonim
    Hava · 24 İyul 12:24122

    Seni o inistituta direktor teyin eden ele sen agilda olar yeqin,,Kulekle elaqedar Bakida temp normadan ashagidir eslinde,,rayonlara geldikde rayonlarin coxu istiden yanir.

    Cavab yaz
    • Anonim
      f · 24 İyul 18:0121

      danisdi iqlim uzre professor cenab hava

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.