Ölkə

Bu azərbaycanlı ailə 25 ildir ət yemir - VİDEO - FOTO

20 May 2019 15:02
6 Şərh     Baxış: 5 326
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Niftəliyevlər ailəsi 25 ildir ət və ət məhsulları yemir. Dörd nəfərdən ibarət olan ailə həm də yoqa ilə məşğuldur.

Milli.Az oxu.az-a istinadən xəbər verir ki, bu ailənin vegetarian olması da yoqadan qaynaqlanır.

"Bir heyvanı yemək üçün öldürməyi qəbul etmirəm. Vegetarian olmayanlara hörmətlə yanaşırıq. Amma mən, həyat yoldaşım və iki övladım ət yemirik. Bir kiloqram ətə verilən pulla bir həftə qidalana biləcəyimiz qədər tərəvəz alırıq", - deyə ailə başçısı Ədalət Niftəliyev bildirir.

Ailə ətdən imtina etməyin çətin olmadığını deyir. Niftəliyevlərin əsas qida rasionunu süd, süd məhsulları və tərəvəzlər təşkil edir. Ailə bu cür qidalanmağın həm sağlamlıq, həm də iqtisadi baxımdan sərfəli olduğunu bildirir. 

"25 ildə bir dəfə olsun xəstələnməmişik. Bizim yaşda olanlar səhhətlərində yaranan problemlə bağlı ən azı bir dəfə əməliyyat olunublar. Biz isə həkimə ehtiyac duymuruq", - Sevinc Niftəliyeva qeyd edir.

Hazırda ölkəmizdə 300-ə qədər ailə vegetariandır. Avropa ölkələrində isə onların sayı minlərlədir. Qeyd edək ki, vegetarianlar ət və ət məhsullarından imtina edərək, əsasən, tərəvəz məhsulları ilə qidalanırlar.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.