Sağlamlıq

Psixoloji sağlamlığı yaxşılaşdırmaq üçün 5 vərdiş

30 May 2024 01:01

Baxış: 1 102

VTB-də minimal faiz dərəcəsi ilə nağd kredit 10.49%-dən

#MARAQLI #SAĞLAMLIQ #PSİXOLOGİYA

Makquori Universitetinin (Avstraliya) psixologiya üzrə professoru Nik Titovun fikrincə, gündəlik iş rejiminə sahib olmaq, strateji planlaşdırma vərdişi, sağlam həyat tərzi, müntəzəm ünsiyyət və pozitiv düşüncə psixi sağlamlığı yaxşılaşdıra bilər.

Milli.Az oxu.az-a istinadən bildirir ki, psixoloqun fikrincə, sağlam, pozitiv düşüncə yaxşı psixi sağlamlığın ən mühüm fərdi göstəricilərindən biridir. Sağlam düşüncə özünüzə və dünyaya real baxışdan ibarətdir.

Sağlam həyat tərzi, sağlam qidalar hazırlamaq və yemək, düzgün yuxu rejimi və müntəzəm fiziki fəaliyyət deməkdir. Titov belə vərdişlərin sevinc və həyatdan məmnunluq hissini artırdığını izah edib. Bundan əlavə, fiziki sağlamlıq çox vaxt psixoloji sağlamlığı tələb edir, çünki bu sağlamlıq göstəriciləri biokimyəvi yollarla bağlıdır.

Psixi sağlamlığın qorunmasında və gücləndirilməsində başqa bir amil strateji planlaşdırma və gündəlik iş rejiminə sahib olmaqdır. Mütəxəssisin fikrincə, bu cür taktikalara riayət etmək depressiyadan əziyyət çəkən insanların rifahını və həyat keyfiyyətini yaxşılaşdırmaqla yanaşı, narahatlıq səviyyəsini də azalda bilər.

Titov əlavə edib ki, dostları və ailəsi ilə həftədə ən azı dörd dəfə ünsiyyətdə olan insanların psixi sağlamlıqları daha yaxşıdır. Ünsiyyət emosional və intellektual dəstək almağa, həmçinin fiziki təmas üçün təbii ehtiyacı ödəməyə imkan verir.

Milli.Az

Xəbərlərimizi WhatsApp kanalımızdan da oxuyun