Ölkə

Məktəbdə xəsarət alan şagird xəstəxanadan evə buraxıldı - Rəsmi açıqlama - YENİLƏNİB - FOTO

12 Aprel 2019 14:45
12 Şərh     Baxış: 4 728

14:45

Bakının 321 nömrəli tam orta məktəbinin xəsarət alan şagirdi xəstəxanadan evə buraxılıb.

Milli.Az Trend-ə istinadən bildirir ki, bunu Təhsil Nazirliyinin İctimaiyyətlə əlaqələr sektorunun müdiri Cəsarət Valehov bildirib.

Bundan əvvəl 1 saylı Kliniki Tibbi Mərkəzdə şagirdə baş çəkdiyini deyən C.Valehov qeyd edib ki, həkimlərin rəyinə görə, 7-ci sinif şagirdi Aqşin Hüseynzadənin sağlamlığı ilə bağlı xüsusi problem yoxdur.

Nazirlik rəsmisi deyib ki, araşdırma aparıldıqdan sonra əlavə məlumat veriləcək.

---------
14:08

Bakı Şəhər Təhsil İdarəsi (BŞTİ) bu gün 321 nömrəli məktəbdə baş vermiş hadisə ilə bağlı məlumat yayıb.

Milli.Az Trend-ə istinadən xəbər verir ki, yayılan xəbərdə bildirilir ki, aprelin 12-si saat təxminən 11:30 radələrində məktəbin VII sinif şagirdi (müvafiq səbəblərə görə şagirdin adı qeyd olunmur) riyaziyyat dərsində özünü pis hiss edib və yıxılıb. Şagirdin halı pisləşdiyi üçün başı yerə dəyib.

Məktəbə təcili-tibbi yardım çağırılıb və təhsil müəssisəsinin rəhbərliyi tərəfindən valideyn ilə əlaqə saxlanılıb.

BŞTİ-dən bildirilib ki, şagirdin güclü baş ağrıları olduğu üçün valideyn dəfələrlə bununla bağlı həkimə müraciət edib.

Məsələ ilə bağlı Bakı Şəhəri üzrə Təhsil İdarəsi tərəfindən xidməti araşdırma aparılır. Araşdırmanın nəticələri haqqında əlavə məlumat veriləcək.

---------
13:15

Bakı Şəhəri üzrə Təhsil İdarəsi Qaradağ rayonu, Qobustan qəsəbəsində 321 nömrəli məktəbdə müəllim şagirdi döyüb xəstəxanalıq etməsi ilə bağlı xəbərə münasibət bildirib.

Milli.Az bildirir ki, qurumdan qafqazinfo-ya daxil olan məlumata görə, aprelin 12-si saat təxminən 11:30 radələrində məktəbin VII sinif şagirdi (müvafiq səbəblərə görə şagirdin adı qeyd olunmur) riyaziyyat dərsində özünü pis hiss edib və yıxılıb. Şagirdin halı pisləşdiyi üçün başı dəyib.

Sinif rəhbəri şagirdin doğma xalasıdır. Hadisə olan kimi dərhal valideynə də məlumat verilib.

Məktəbə təcili-tibbi yardım çağırılıb. Şagirdin atası da uşaqla xəstəxanaya gedib. Məktəb rəhbərliyi tərəfindən valideyn ilə əlaqə saxlanılıb, şagirdin halının yaxşı olduğu bildirilib.

Qeyd edək ki, şagirdin güclü baş ağrıları olduğu üçün valideyn dəfələrlə bununla bağlı həkimə müraciət edib.

Onu da qeyd edək ki, məsələ ilə bağlı Bakı Şəhəri üzrə Təhsil İdarəsi tərəfindən xidməti araşdırma aparılır. Araşdırmanın nəticələri haqqında əlavə məlumat veriləcək.

---------
13:11

Bakının Qaradağ rayonu, Qobustan qəsəbəsində 321 nömrəli məktəbdə müəllim şagirdi döyüb. 

Milli.Az virtualaz.org-a istinadən xəbər verir ki, xəsarət alan şagird Aqşin Hüseynov təcili tibbi yardım maşını ilə Kliniki Tibbi Mərkəzə gətirilib. Şagirdə kəllə-beyin travması diaqnozu qoyulub. Məlumatı Səhiyyə Nazirliyinin mətbuat xidmətinin rəhbəri Pərviz Abubəkirov təsdiqləyib.

12 yaşı olan məktəbli 7-ci sinifdə oxuyur. Onu döyüb ağır xəsarət yetirən müəllimin adı hələlik məlum deyil.  

Faktla bağlı araşdırma aparılır.

---------
12:09

Bakıda 12 yaşlı şagird müəllim tərəfindən döyülüb.

Milli.Az ONA-ya istinadən xəbər verir ki, hadisə paytaxtın Qaradağ rayonu Qobustan qəsəbəsində yerləşən 321 nömrəli məktəbdə qeydə alınıb. Məktəbin müəllimi şagirdi döyüb. Döyülən şagird xəstəxanaya yerləşdirilib.

Səhiyyə Nazirliyindən sözügedən sayta bildirilib ki, xəsarət alan uşaq təcili tibbi yardım maşını ilə Klinik Tibbi Mərkəzə gətirilib. Ona kəllə beyin travması diaqnozu qoyulub.

Milli.Az

Məqaləyə dair fotomateriallar:

loading...

Şərh yaz:

12 Şərh:

  • Anonim
    aea · 12 Aprel 12:14147

    Məktəb müəllimləri, direktorlarda başda olmaqla çox harınlaşıblar.... Tərbiyə, savad verməkdənsə, rüşvət-pul maraqlandırı bunları ancaq... Bütün uşaqlar məktəbdəki savadsızlıqdan hazırlığa getməyə məcbur olurlar

    Cavab yaz
  • Anonim
    .... · 12 Aprel 12:26125

    bizim dovurmuzde valideyin deyerdi ki,muellim eti senin sumuyu menim.duzdu muellim doyende esebleserdik ama indi gorursen ki duz edirdi.indi ki usaqlara bir cirtma vurmaq olmur.indi muellimi doyurler

    Cavab yaz
  • Anonim
    12.26ə · 12 Aprel 12:4562

    Doymekden doymeye ferq var.Usaq kelle beyin travmasi alib.

    Cavab yaz
  • Anonim
    Afa (yeraz) · 12 Aprel 13:19101

    Bu müəllimlər kiçik bir qulaqburması ilə kəllə beyin travması verməyin yerini səhv salıblar. Heç bir müəllimin ixtiyarı yoxdu şagirdə ciddi zərbə vursun.

    Cavab yaz
  • Anonim
    F044 · 12 Aprel 13:2050

    BUNLAR RİNQƏ ÇİXİBMİŞ?

    Cavab yaz
  • Anonim
    Aqsaqqal · 12 Aprel 13:2070

    Men onu bliremki,biliyine,savadina,terbiyesine guvenen muellim wagirdine el qaldirmaz.Amma, onu da biliremki wagirdlerde "topu meydandan cixardirlar ha",ortada valideyn mudaxilesi vacibdir.

    Cavab yaz
  • Anonim
    ! · 12 Aprel 13:2030

    Müəllim döyüb, yoxsa yıxılıb ?

    Cavab yaz
  • Anonim
    Dilber · 12 Aprel 13:2241

    Belke indiki zamanin muellimleri uwaqlarimi doyse mene pis tesir eder amma o qadar muellim bizi doyubki sinif yoldawlarimin belinde yogun reyka qirirdi nar cubuguyla yun çirpan kimi cirpirdi yandirib tokurdu.qulagimizin dibine willeni ele vururdu agridan qivrilirdiq.indi belkede gundeliyin eseb stresinde muellimler mektebe qatir ondan uwaq muellimi cox qiciqlandirir

    Cavab yaz
    • Anonim
      Teselli · 12 Aprel 14:1151

      Bizimde muellimler doyurdu usaqlari.amma sinifimizin en pis usagi bele huneri neydi ona cavab qaytarsin.lal dinmez dururdu qabaginda.indiki usaqlar az qala polise versinler ki niye citma vurmusan mene

      Cavab yaz
  • Anonim
    aea · 12 Aprel 14:0740

    Əvvəl məlumat verirlər müəllim döyüb, sonra da üstün malalayırlar ki, özü yıxılıb.... nəyə və kimə inanasan???

    Cavab yaz
    • Anonim
      $$$. · 12 Aprel 15:0640

      100 % muəllim yalvarıb ki adını hallandırmasınlar , cunki bu saat başqa bir məktəbdə intihar etmiş rəhmətlik Elinanın işinə görə hamı ayaq ustədir . Bir himə bənddirlər ki muəllim işdən qovulsun ! Muəllim və şagird arasında hörmət , səmimiyyət yoxdursa , elə belə də olacaq ! Şagirdlər də cox dəcəl və tərbiyəsiz olanda muəllimlər guclərini sınamalı olur və nəticəsi göz qabaqındadır . İndi də yalvarıb , özlərini təmizə cıxardırlar .

      Cavab yaz
  • Anonim
    ~~~ · 12 Aprel 15:2500

    Uşaq fağır uşağa oxşayır. Xalası da sinif rəhbəri.Üstəlik də Elinaya görə qarışıqlıq var.Müəllim-şagird münasibəti diqqət mərkəzindədi.Niyə vursunki müəllim?Bəlkə həqiqətən yıxılıb.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.