Ölkə

Bakıda 217 saylı uşaq bağçasına istilik verilməsi niyə dayandırılıb? - AÇIQLAMA

5 Dekabr 2018 20:18
0 Şərh     Baxış: 982

Bakının Xətai rayonunda fəaliyyət göstərən 217 saylı uşaq bağçasının istilik sistemində problem yaranıb.

Milli.Az Trend-ə istinadən bildirir ki, sistemdə baş verən qəza nəticəsində istiliyin verilməsi dayandırılıb.

Məsələ ilə bağlı "Azəristiliktəchizat" ASC-nin Abonent və Müştəri Xidmətlərinin rəisi Rafiq Əliyev Trend-ə bildirib ki, uşaq bağçasına istilik vaxtında verilib: "Lakin bağçanın daxili xətlərində problem yarandığından istiliyin verilməsi dayandırılıb. Daxili xətlər təmir olunduqdan sonra bağça yenidən istiliklə təchiz olunacaq".

Uşağ bağçasının rəhbərliyindən isə bildirilib ki, müəssisə yaxın günlərdə yenidən istiliklə təchiz olunacaq: "Daxili xətdə qəza baş verdi, bağçanın zirzəmisi su ilə doldu. Dərhal istiliyin verilişi dayandırıldı və zirzəminin suyu çəkildi. Hazırda zirzəminin qurumasını gözləyirik. Artıq sabahdan etibarən xətlərin yenilənməsinə başlanacaq və yaxın günlərdə bağçanın istiliklə təchizatı bərpa olunacaq".

Milli.Az 

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.