Ölkə

Azərbaycanda ümumi təhsil müəssisələri sahibkarlıq fəaliyyəti ilə məşğul ola bilər

4 Dekabr 2018 12:37
3 Şərh     Baxış: 1 014

Azərbaycanda ümumi təhsil müəssisələri sahibkarlıq fəaliyyəti ilə məşğul ola bilər.

Milli.Az Trend-ə istinadən xəbər verir ki, bu barədə məsələ Milli Məclisin Elm və təhsil komitəsinin bu gün keçirilən iclasında müzakirəyə çıxarılan yeni hazırlanmış "Ümumi təhsil haqqında" qanun layihəsində əksini tapıb.

Qanun layihəsinə əsasən, ümumi təhsil müəssisəsi əlavə gəlir əldə etmək məqsədilə profilinə və fəaliyyət istiqamətlərinə uyğun olaraq və təhsilin prioritetliyini əsas götürməklə müvafiq icra hakimiyyəti orqanının müəyyən etdiyi sahibkarlıq fəaliyyəti növləri ilə (ödənişli təhsil xidmətləri, yardımçı təsərrüfatlardan əldə olunan məhsulların, şagirdlərin əl işlərinin satışından və icarədən əldə olunan gəlirlər və s.) məşğul ola bilər.

Sahibkarlıq və innovasiya fəaliyyətini təmin etmək üçün ümumi təhsil müəssisəsinin nəzdində müvafiq istehsalat və xidmət sahələri yaradıla bilər.

Dövlət ümumi təhsil müəssisələrinin innovasiya və sahibkarlıq fəaliyyətinin həyata keçirilməsi məqsədilə yerli və xarici investisiyaların cəlb edilməsinə əlverişli şərait yaradır.

Ümumi təhsil müəssisəsi sahibkarlıq subyektləri ilə müqavilə əsasında, bu Qanuna uyğun olaraq əlavə gəlir əldə edə bilər.

Dövlət və bələdiyyə ümumi təhsil müəssisələri bilavasitə mənfəət əldə etmək məqsədi daşımır.

Əlavə maliyyə vəsaiti cəlb etmək imkanlarının artırılması məqsədilə ümumi təhsil müəssisələrində istehsal edilən məhsulların (xidmətlərin) qanuna uyğun olaraq satışı (göstərilməsi) həyata keçirilə bilər.

Ümumi təhsil müəssisəsi sahibkarlıq fəaliyyətindən əldə etdiyi gəlirlərdən mövcud qanunvericiliklə müəyyən edilmiş qaydada sərbəst istifadə etmək hüququna malikdir.

Dövlət ümumi təhsil müəssisəsinin sahibkarlıq fəaliyyətindən əldə etdiyi gəlirlər bilavasitə təhsilin inkişafına və işçilərin sosial müdafiəsinə yönəldilir.

Milli.Az

loading...

Şərh yaz:

3 Şərh:

  • Anonim
    durist · 4 Dekabr 2018 13:0430

    Ödənişli təhsil xidməti nə deməkdir...? Belə çıxır ki, şagirdlər məktəbdə 2 iki istiqamətdə təhsil alarlar. Ödənişli və ödənişsiz təhsil düzdürmü? Ödənişsiz təhsil yəqinki elə bir şəkildə təşkil olunacaq ki, şagird və valideyinlərin çoxu bundan imtina edəcək. Yəni daha dəqiq qeyd etsək məcbur edərlər ki, ödənişli təhsildə oxusunlar. Bəs imkansız şagirdlərin taleyi necə olacaq. Buna əsla getmək olmaz, bu yolverilməzdir....... O ki, qaldı yardımçı təsərrüfatından və şadirdlərin əl əməyindən pul, qazanc əldə etmək, yaxşı olardı ki, həmin ümumtəhsil və orta məktəblərin nəzdində əlavə olaraq peşə bölməsi fəaliyyət göstərsin.

    Cavab yaz
  • Anonim
    ((((((( · 4 Dekabr 2018 13:1110

    Vəssalam da ((

    Cavab yaz
  • Anonim
    Elshen · 4 Dekabr 2018 17:2710

    Onsuzda hər bir direktor təhsil müəssisəsində sahibkarlıqla məşğul idi, bu qanundan sonra, hər biri məktəblərə özəlləşdirilmiş obyekt kimi baxacaq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.